NRK Meny

Gurren asfáltamássá johkii

Stáda geaidnodoaimmahat váidala asfáltafitnodaga Lemmikainen, go galget gurren ovtta tonna asfáltamássá. Dát mássá gurrejuvvui Ráissas, Reaššegeahčái, mii lea našunála luossavuotna.
Stáda geaidnodoaimmahaga bargit filbmejedje go gurrejedje mássá, ja prošeaktajođiheaddji, Knut Øvrevoll, muitala mii dáhpáhuvvá filmmas. Fylkamánni birasdirektevra, Evy Jørgensen, ii sáhte vuos dadjat maid sii konkrehtalaččat áigot bargat dáinna áššin, muhto son lea čielggas ahte sii oidnet dán dáhpáhusa hui duođalažžan.