Guovttis darvánan Háldái

Sea King gádjunhelikopter lea dál jođus Ráisávžái, Davvi Tromssas, viežžat guokte mátkkošteaddji go eaba leat ollen vulos váris Ráisduoddara Háldis. Guovllus dieđihit dálkki ja garra biekka. Váldogádjunguovddáš dieđiha ahte ii leat sihkar ahte helikopter nagoda seaivut báikái. Jus helikopter ii sáhte seaivut, de áigot sáddet Rukses Ruossa olbmuid Biertaváris, Gáivuona suohkanis.