Dán mánu 10.beaivvi čalmmustahttojuvvo iešsorbmeneastadeapmi máilmmiviidosaččat.

Guovdageainnus rahpet dan beaivvi girku oapmahaččaide ja earáide, čállá Ávvir (ávvir.no).

Suohkanpsykologa, heahtejoavku ja psyhkalaš dearvvašvuođajoavku maid bohtet dien deaivvadeapmái Guovdageainnu girkus.

Sámediggeráđđi lea geassit maid juolludan ruđaid iešsorbmeneastadanbargguide.

Dalle lei Girku SOS mii oaččui doarjaga Sámedikkis.

Sii leat davviriikkalaš álbmotdearvvašvuođafierpmádahkii čohkkemen buohkaid geat barget iešsorbmeneastademiin Sámis.

Girku SOS lea Norgga stuorimus birrajándora heahtebálvalus telefovnna ja interneahta bokte.

TikTok:ii leat ihtigoahtán ealligovat mas oaidná vuorrasat olbmuid neavvumin nuoraid.

Nuorat jerret juo go vánhemiin, áhkuin ja ádjáin dahje eará vuorasolbmuin rávvagiid ieš guđet ge áššiin eallimis.

– Lean ieš oahppan olu iežan áhkus ja ádjás, dovddaha joatkkaskuvlaoahppi Skien gávpogis Telemárkkus, Julie Marie Myrland NRK:i.

Stáhta luonddubearráigeahčus duođaštit ahte guovža ain speadjá Sálatvuomis Nordlánddas. Gieskat leat gávdnon vel guokte sávzza mat leat goddon guvžii.

Dán guovllus lea guovža geasi ja čakčageasi juo goddán sávzzaid.

Nu čállá Saltenposten (saltenposten.no).

Maiddái albbas lea goddán sávzzaid doppe, muitalit luonddubearráigeahčus áviisii.