– Álbmot lea dolkan bággoovttastahttimiidda ja guovddušteapmái Tromssas ja Finnmárkkus

Guovddášbellodaga Tromssa ja Finnmárkku fylkkadiggeáirras illuda válgabohtosiin, ja sus lea čilgehus manne sin politihkka ovdána riikka dásis.

Anne Torill Eriksen Balto

ILLUDA: Guovddášbellodaga fylkkadiggeáirras Anne Toril Eriksen Balto sáhttá moddját go geahččá válgabohtosiid.

Foto: Monica Falao Pettersen / NRK

– Mis lea čielga politihkka ja leat duođalaččat váldán álbmoga, dadjá Anne Toril Eriksen Balto (Gb).

Politihkka ii leat dušše politihkken, oaivvilda Guovddášbellodat-politihkkár, muhto maid guldalit álbmoga. Nubbi čilgehus manne Guovddášbellodat ovdána lea dat ahte olbmot háliidit rievdadusa.

– Eai buohkat liiko dálá politihkkii, mii fievrriduvvo riikka dásis ja mas lea olu bággoovttastahttimat ja guovddušteamit, maid olbmot boaittobealbákkiin dovdet. Lea olu politihkka, mii dušše mearriduvvo Oslos ja mii ii oba heivege midjiide Davvi-Norgii, dadjá Eriksen Balto.

Go 99,8 proseantta jienain leat lohkkon, de lea čielggas ahte Guovddášbellodat lea nannen iežas politihkalaš posišuvnna.

Valgresultater

VÁLGABOHTOSAT: Guovddášbellodat šattai Norgga goalmmádin stuorámus bellodahkan.

Foto: Johan Ánte Utsi / NRK

Válgabohtosa proseantalogut čájehit ahte Guovddášbellodat lea maid ovdánan eanemusat, ja Bargiidbellodat fas manahan eanemus jienasteddjiid.

Boaittobeal báikkit dehálaččat Guovddášbellodahkii

NRK Sámi kommentáhtor Kjell Are Guttorm čilge Guovddášbellodaga ovdáneami dainna ahte sis lea čielga politihkka, mii spiehkasta ráđđehusbellodagaid politihkas.

– Guovddášbellodat ovddida ealáhusaid nugo guolástusa, šibitdoalu, boazodoalu ja eará vuođđoealáhusaid. Sii maid dadjet dan ahte sii háliidit olbmuide addit vejolašvuođa ássat boaittobeal báikkiin. Juste nuppe ládje go ráđđehusbellodagat, mat ovddidit guovddušteami, dadjá Guttorm.

Valgresultater

VÁLGABOHTOSAT: Dás oainnát ahte Guovddášbellodat lea ovdánan eanemusat ja vuolemusas ges lea Bargiidbellodat, mii lea válggaid vuoittáhalli.

Foto: Johan Ánte Utsi / NRK

Bargiidbellodat vuoittáhalli

Válgadutki Bernt Aardal loguid vuođul lea Bargiidbellodat čađahan historjjálaš heajos fylkkadiggeválggaid.

2003:s lei maid heajos válgajahki bargiidbellodagas, dalle olahedje 27 proseantta jienain, čilge Aardal.

Korte nyheter

  • UNN i gul beredskap

    Universitetssykehuset Nord-Norge (UNN) går fra i dag over fra grønn til gul beredskap etter at det har vært en jevn økning av innlagte pasienter med covid-19 den siste uken.

    Det innebærer at UNN forbereder opptrapping av pandemidrift, og vurderer ekstra bemanning og tilrettelegging av flere sengeplasser for disse pasientene.

    Per nå skal det være 15 pasienter med covid-19 innlagt, 14 i Tromsø og én i Narvik. Det er høyeste antall innleggelser siden pandemien startet.

    UNN Tromsø
    Foto: Fabian Ubeda
  • Guokte ođđa njoammuma Kárášjogas

    Dán vahkkoloahpa lea guovtti olbmos duođaštuvvon korona Kárášjogas. Nu lea gielddas dál njealji olbmos korona.

    Guoktásis eai dieđe gos njoammun boahtá. Buohkat leat ollásit boahkuhuvvon.

    Kárášjoga gielda ávžžuha olbmuid garvit dárbbašmeahttun oktavuođa earáiguin go iežas lagamusaiguin dassážii gielddas čielggadit njoammundilálašvuođa.

    Karasjok kommune logo
    Foto: Dan Robert Larsen / NRK
  • Norrbotten šaddá ruoksadin

    Mánnodaga rájes rivdet sisabeassan njuolggadusat Norgii. Dál fertet erremii jus boađát Norrbottenis Ruoŧas, Ungáras ja golmma guovllus Suomas. Dat golbma guovlu leat Keski-Pohjanmaa, Etelä-Pohjanmaa ja Vasa.

    Errengáibádus guoská dušše daidda geain ii leat koronasertifikáhtta. Mánát ja nuorat vuollel 18 jagi eai dárbbaš erremii.

    Lassin Norrbottenii, de lea Ruoŧas ain errengáibádus olbmuide geat bohtet Stockholmmas, Västerbottenis ja Västermanlandas.

    Dat riikkat bissot ain ruoksadin dahje sevdnjes ruoksadin, ja nu lea ain errengáibádus daidda geat bohtet doppe: Belgia, Bulgaria, Greika, Irlánda, Kroátia, Luxemburg, Slovakia, Šveica, Duiska, Nuortariika, Estteeana, Látvia, Lietuva, Románia, Slovenia ja Stuorra- Británnia.

    Utsikt mot Kirunas nye bysentrum
    Foto: Kiruna kommune