NRK Meny
Normal

Eai fidne politiáid Guovdageidnui

Guovtti Sis-Finnmárkku gielddas lea dál heahti go eai fidne politiijáid virggiide.

Politi Lensmannskontor
Foto: Marianne Johnsen / NRK

Dál áigot geahččalit geasuhit bargiid buoret ruhtafálaldagaiguin nu ahte dán guovtti gildii, Porsangui ja Guovdageidnui,  boađašedje ohccit  rabas politi-virggiide.

Guovdageainnus lea lensmánne ja nubbi bálvá barggus, seammás go golmma politiijavirgái eai leat ohccit.

GULDAL: Politiijakriisa Sis-Finnmárkkus

Rabas virggit Poršánggus

Porsanggus lea lensmánnevirggis ieš ja vel beannot virggis politiiját, muhto guovtti politiijávirgái Porsanggus eai leamaš ohccit.

Álttá lensmánne Tor Johansen stivre maid Guovdsageainnu lensmánnekantuvrra, ja lohká váidalahtti go eai leat ohccit, muhto nu lea ollu lensmánnekantuvrrain Norggas dál. Johansen vuordá ruhtafálaldaga buktit ohcciid virgiide.

Bálká ja orrunsádji

35.000 kruvnna jos jahkái váldá virggi ja 75.000 kruvnna jos guovtti jahkái čatná politiijábálván dieid gielddaide, lea árvalus mo ohcciid galggašedje geasuhit dáid politiijávirggiide.

Seammás lohpidait gielddat lágidit orrusaji ja mánáidgárdesajiid, jos leš dárbu. Guovdageainnus lea ásahuvvon politiijáráđđi ja sátnejođiheaddji Klemet Erland Hætta lohká viimmat Politidirektoráhta maid ádden dan duođalaš dili.

Kautokeino
Foto: Åse Pulk/NRK

Davvenjárgga lensmánne Per Dyrstad, sus lea Porsanggu lensmánnekantuvrras ovddasvástádus. Son ii loga makkárge heahtediliid, muhto sávašii ođđa ohcciid dál fidnet: