Sámi mánnosaš mágasiinna joavku lea vuot leamaš mátkkošteamen. Dán vuoro Biengendaelies Ruota bealde ja Málatvuomis Tromssas. Bohtosa dán mátkis sáhtát oaidnit “Árdna – sámi kulturmágasiidna” –prográmmas duorastaga njukčamánu 30. beaivve diibmu 17.25 NRK1:s.
Filbma filmma birra
Go Árdna sáddejuvvo de lea Nils Gaup ja su filbmenjoavku golbma vahku jo bargan Guovdageainnu 1852 stuimmiid filmmain. TV-prográmmas muitala Nils Gaup mo manná filbmemiin ja manne lea nu váttis go bohccot leat mielde filmmas.
#?-:nbsp;
#?-:nbsp;
Mii deaivat maiddái sámi váldorollahasaid. Dasa lassin muitala historihkkár Steinar Pedersen duogaža manne dát stuimmit dáhpáhuvve dalle dolin.
Máttasámi bivttasčájáhus
Prográmmajođiheaddji Dan Robert Larsen ja govvejeaddji Gard Brox Jensen leaba maid fitnan Biengendaelies Ruota beale mátta-Sámis. “Sámi ávvo- ja kulturbeivviid” oktavuođas doalai sápmelaš bivttashábmejeaddji Hanne Lena Wilks bivttasčájáhusa. Ártnas oaidnit sihke čáppa nieidddaid, hámálaš almmáiolbmuid ja fiinna biktasiid. – Dán reportášii berrešit duođai illudit, lohká Dan Robert Larsen movttegit.
#?-:nbsp;
#?-:nbsp;
Stuorra lohpádus studioguossin
Mázelaš Nils Rune ”SlinCraze” Utsi lea dán áigái sámiid stuorra hiphop-doaivva. Ráppa mas lávlu dan birra mo son ieš lea givssiduvvon lea dahkan su dovddusin sihke sámi ja dáža servodagas. Dál lea 15-jahkásaččas sierra háldejeaddji (manager), mii stivre nuorra ráppejeaddji geavatlaš áššiid. Studiojearahallamis muitala son iežas musihkas, CD-plánain ja áigomušain ovddosguvlui.
Geahča prográmma dás:
