Guovdageaidnulaš Alanyas Turkias

Merethe Hætta Guovdageainnus eret ii loga iežas dál šat nu balus go ikte lávvordat čuovganeapmái lei. Son lea Alanyas Turkias iežas bearrašiin.

Merethe Hætta ja su irgi Ali Begic Elvis sáttogáttis Alanyas.
Foto: Privatfoto

Alanya gávpot lea lagabui čuođi miilla eret Istanbul gávpogis ja Hætta muitala ahte sii leat orron Alanyas sullii manu ja áigot vel nuppi manu leat doppe. Son lohka ahte lei veahá ilgat lávvordat čuovganeapmái go ledje olu olbmot gáhtaid alde čájeheame vuostehágu sidjiide geat geahččaledje gomihit presideantta. Gomiheaddjit ledje olbmuid gieldan vázzimis olgun.

Eai šat balus

Merethe Hætta iežas mánáiguin ja guvttiin oahppasiin

Dá lea Merethe Hætta guvttin mánáin ja oahppasiiguin.

Foto: Privatfoto

Bearaš ja oahppásat ruovttus Guovdageainnus leat ledje ballan ja Hætta muitalage ahte oallugat leat sihke riŋgen ja čállán dieđuid sidjiide.