Guovža suoládii ealgabivdiin

Ealgabivdit Guovdageainnus vásihedje ahte guovža finai ihkku suoládeamen goruda sin lávu olggobealde, dan botta go sii ledje oađđemin. Dát lea baldán sin.

Bjørn i Pasvikdalen
Foto: Eilif Aslaksen / NRK

Maŋemuš ealgabivdobeaivi Guovdageainnus lei golggotmánu 15. beaivvi, de dáhpáhuvai juoga issoras Speajal bivdobáikki bivdiide mii lea Guovdageainnu nuorttabealde.

Ole Johnny Jansen ja su bivdoolbmát ledje dan beaivvi báhččán 5 ealgga, ja dan ija de vásihedje sii juoga mii lea baldán sin, guovža suoládii ovtta goruda sis, sin lávu olggobealde.

Guldal Ole Johnny Jansena issoras fearána dás:

Goas oažžu báhččit guovžža?

Lágas daddjo ahte it oaččo báhčit guovžža ovdalgo lea heaggaváralaš. Muhto goas lea heaggaváralaš?

Birasdirektoráhta ossodat jođiheaddji Terje Bø dadjá ahte guovžžaid oažžu báhččit jus šaddá olbmuide váralaš dahje jus áitá omiid dahje bohccuid.

Lea dábálaš ahte juohke guovžagoddin ášši gorohallojuvvo ahte lea go leamaš dárbu goddit, dadjá Bø: