Nu muitala Mirkučahca ja Báhkilskáiddi dálveoroga boazoeaiggát Lasse Erik Gaup.
Maŋŋelgo gávdne ráppi, de dieđihedje Stáhta luonddubearráigehčui, muhto sii gal eai bidjan návccaid duođáštit goddima.
– Mii livččiimet vuoruhan dohko sáddet olbmo, jus mis livčče olmmoš gii livčče sáhttán dan dahkat, muhto mis ledje buot olbmot jođus dál, dadjá Stáhta luonddubearráigeahču bargi Oddleif Nordsletta.
Iigot leat nu, ahte gáibiduvvo duođaštus jus guovža dahje eará boraspiire lea goddán bohcco ovdalgo oažžu buhtadusa?
– Ii leat nu. Dál lea biddjon nu, ahte galgá buktit ráppi lagamus SNO-kántuvrii. Mii gal eat fina buot geatkeluottaid geahččamin, ahte leago goddán. Dat ii leat midjiide vejolaš, deattuha Nordsletta.