NRK Meny
Normal

Guovžžat laskan Ohcejogas

– Olbmot eai šat imaš go oidnet guovžža Ohcejoga gielddas Suomas, muitala Ohcejoga Fuođđogáhttensearvvi doaibmajođiheaddji, Esa Vuomajoki.

Bjørn
Foto: Frank Hepsøe

GULDAL: Guovžžat lassánit

Ohcejoga gielddas Suomas leat lassánan guovžžat daid maŋimuš jagiid. Olbmot leat oaidnán guovžžaid olles giđđageasi, ja sidjiide ii leat šat nu imašlaš go oidnet guovžža, muitala Vuomajoki.

Ohcejohka bivddu haga

Váikko vel čuovvojitge Suomas bivdoplánat, de goitge lassánit guovžžat Ohcejogas. Vuomajoki muitala ahte bivdoplána ii leat áktánasat ávkin Ohcejohkii go šaddet juogadit bivdomeari Matta-Suomain.

– Mii eat geargga dáppe oppa bivdigoahtitge go Mátta-Suomas dat han goddet visot dan eari, šuohkiha Vuomajoki.

Ohcejoga Fuođđogáhttensearvi galgá ovddastit gieldda meahcásteami, nugo meahccevallji dahje fuođđuid ja bivdolobi mearrádusaid. Dál sávváge doaibmajođiheaddji Vuomajoki ahte Davvi-Suopma gálggašii fidnet sierra bivddomeari.