Guolásteaddji jávkan merrii

Guovtti-áigge ihkku bođii Davvi-Norgga váldogádjunguovddážii diehtu ahte Ruošša guolástanfatnasa guolásteaddji lei ravgan merrii. Ohcan álggahuvvui muhto lea dál heaittihuvvon. Guolásteaddji ii leat gávdnon. Gádjunguovddáš lei bidjan stuorábuš ohcanveaga ohcat fatnasiin ja helikopteriin. Nu dieđiha Nuorta-Finnmárkku politiguovllu operašuvdnajođiheaddji Svein Erik Jacobsen NRK:i.