Hopp til innhold

Sis-Finnmárkkus guohtunroassu: – Olbmot váibet

Sis-Finnmárkku máttageaži orohagat dat gillájit go sin guohtuneatnamiin Sis-Finnmárkkus lea heajos guohtun. Boazosápmelačča mielas lea dilli lossat.

Klemet Amund Eira sittende på en ATV.

BOAZODOALLI: Klemet Amund Eira.

Foto: Dan Robert Larsen / NRK

Klemet Amund Eiras lea dálveorohat nuorttabealde Gurbbeža, Kárášjoga gielddas. Dál lea heajos guohtun bohccuide, lohká son.

– Dál ii leat beare ráhpa guohtun. Dat lea jo leamaš beannot mánu - dan rájes go mii leat boahtán, ja guohtun lea heittot, lohká siidadoalli.

Son muitala ahte heajos guohtun barggaha ja badjeláhpiid váibada sin.

– Skohterat galget šurrat 6-8 tiimma, olbmot váibet, ruhtabursa guorrana, bohccot ruoidnagohtet, gal das leat stuorra váikkuhusat, lohká son.

Guovtti johtolagas guohtunroassu

– Dál lea guohtunroassu gaskajohtolagas ja nuortajohtolagas Guovdageainnu suohkanis, muitala Romssa ja Finnmárkku boazodoallohálddahusa direktevra Sunna Pentha.

Sunna Marie Pentha

ROMSSA JA FINNMÁRKKU BOAZODOALLOHÁLDDAHUSA DIREKTEVRA: Sunna Pentha.

Foto: Fylkesmannen i Troms og Finnmark

Lea heahtedustenlávdegoddi mii lea leamaš iskame guohtuma hálddahusa beales.

– Dat lea ipmirduvvon ahte stuora oassi eatnamiin lea dakkár hámis ahte boazu ii beasa guohtut. Dat mielddisbuktá dan ahte jus daid galgá doallat heakkas, de ferte álgit biebmat oalle jođánit, lohká son.

Šiehtadallit leat dál lágidan heahtedustenvuogádaga, siiddat ja orohagat besset geavahit iežaset heahtefoanddaid, jus dat ii oro doarvái, de sáhttá ohcat stuorit foanddas ruđa.

– Dál lea celkon ahte daid doaibmabijuid, maid mii evttohit, lea álgit biebmat ja sirdit ealuid lagabui biilaluotta, vai ii leat nu guhkki geasehit fuođđariid. Mii leat ávžžuhan siiddaid ohcat dispenšuvnna guohtunáiggiide, vai besset geavahit čakča, giđđa dahje geasseeatnamiid go áigot biebmat ealuid, muitala Pentha.

Gaskavahku lea heahtegearggusvuođalávdegoddi vuolgime fas iskat guovlluid gos lea heajos guohtun.

– Dilli lea duođalaš

Norgga Boazosápmelaččaid searvvi (NBR) konstituerejuvvon jođiheaddji Inge Even Danielsen muitala iežaset leat gullan ahte muhtin báikkiin lea heajos guohtun.

– Midjiide dieđihedje árračavčča ahte guohtun lea hedjoneamen. Muhtin siiddain lea duođalaš dillii. Sullii 50 % guohtuneatnamiin leat bodneskárta ja dat mearkkaša ahte boazu ii olat eatnamii, lohká son.

Inge Even Danielsen

NORGGA BOAZOSÁPMELAČČAID SEARVVI KONSTITUEREJUVVON JOĐIHEADDJI: Inge Even Danielsen.

Foto: Helle Therese Kongsrud / NRK

– Mii galgat loahpageahčen vahku čoahkkinastit Stádahálddašeddjiin gullan dihte mo manná ja maid viidáseappot bargat, muitala Danielsen.

Jahkásaččat šiehtadallá NBR stáhtain. Šiehtadallamiin várrejit earret eará ruđa nuppe jahkái. Danielsen diehtá dál jo maid áigot deattuhit.

– Boahtte jagi šiehtadallamiin áigut bidjat deattu boahttevaš guohtunroasuide, muitala son.

Maiddái Ruoŧa beale Sámis lea heajos guohtun. Norrbottenis leat 20 čearu ohcan heahtedoarjaga Ruoŧa Sámedikkis go ii leat guohtun. Muoná čearru lea okta dain, mii lea ohcan doarjaga.

– Lea olu bargu dál, eallu ruvgala duohkut deike, ja mii geahččalit doalahit ealu čoahkis, muitala Hans Holma, Muoná čearu ságadoalli SVT Sápmái.

Bures / Hei

Leago dus juoga váimmus ja háliidat midjiide dan muitalit? De sáddes midjiide e-poasta. 

pst, dáppe gávnnat buori sisdoalu.

PÅ NORSK: Har du ris, ros eller tips om hva vi i NRK Sápmi bør se på? Kontakt oss da vel. 

Ps. Her finner du godt innhold.

Korte nyheter

  • Årets olsokkunstner under Olsokdagene på Stiklestad 2023

    Stiklestad Nasjonale Kultursenter (SNK) og Museene Arven er stolte over å endelig kunne offentliggjøre at Máret Ánne Sara er Årets olsokkunstner 2023, skriver Stiklestad Nasjonale Kultursenter i en pressemelding.

    Olsokutstillingen og Årets olsokkunstner er en sentral del av kulturfestivalen Olsokdagene.

    – At Stiklestad Nasjonale Kultursenter velger tematikk slik de har gjort og inviterer meg som samisk kunstner til å fronte meningsbrytning lokalt, ser jeg på med beundring, sier Máret Ánne Sara.

    Olsokutstillingen 2023 åpner på Stiklestad 25.juli og blir stående ut september.

    Máret Ánne Sara med verket Spirals of the pile
    Foto: Øivind M. Bakken / Det kongelige hoff
  • Rema 1000 og Coop senker prisene igjen

    Rema 1000 senker prisene igjen, skriver de i en pressemelding. – Siden 1979 har vi hatt som mål å ha de laveste dagligvareprisene. Det målet endrer vi aldri. Til tross for betydelig økte råvare- og innkjøpskostnader velger vi nå å senke prisene tilbake til nivået før 1. februar, slik at du som kunde fortsatt kan være trygg på at du får de laveste prisene på REMA 1000, sier Tom Kristiansen, administrerende direktør i REMA 1000 Norge.

    Coop gjør det samme. Det bekrefter kommunikasjonsdirektør i Coop Norge, Bjørn Takle Friis, til VG.

    – Vi har justert prisene ned igjen til det de lå på før 1. februar, slik at vi er konkurransedyktige. Kundene kan være trygge på at det er like billig, og kanskje billigere, å handle på Coop Extra som andre, sier Friis til avisen.

    1. februar økte prisene på dagligvarer med et gjennomsnitt på 4,8 prosent.

  • Amnesty bivdá stáhtaministara orustahttit olmmošvuoigatvuođa rihkkuma Fovsenis

    Amnesty International lea bidjan johtui vuolláičállinkampánjja. Kampánja čohkke vuolláičallagiid mat galget sáddejuvvot Norgga stáhtaministar Jonas Gahr Størei.

    Reivves sii bivdet stáhtaministtara orustahttit olmmošvuoigatvuođa rihkkumiid Fovsenis.

    Alimus riekti celkkii measta 500 beaivva áigge duomus ahte stáhta lea rihkkun boazodoalliid olmmošrivttiid Fovsenis, go adde lobi cegget bieggafápmorustegiid boazodoalliid guovllus.

    Ovddeš sámediggepresideanta Aili Keskitalo bargá dál ráđđeaddin Amnesty International organisašuvnnas, ja muitala ahte lea ártet go stáhta ii leat beannot jagis vel dahkan maidige Fovsenis.

    – Lea ártet go sii leat bargan áššin nu guhká, ii ge leat dagahan konsekveanssaid bieggafápmorustegiidda.

    Stáhtaministar Jonas Gahr Støre ges muitala NRK:ii ahte ráđđehus ain árvvoštallá mii ferte dáhpáhuvvot ovdal go čielgá mii galgá Fovsena bieggarustegiin dahkot:

    – Mii dál čađahit guorahallamiid gos iskat maid čielggademiid fertet dahkat ovdalgo viidáset sáhtit váldit ášši, muitala Gahr Støre.

    Les saken på norsk her: