Hålogalándda lágamánneriekti lea hilgon porsáŋgulačča Tor Reidar Bolanda guoddaleami, ja son de guoddala ášši alimusriektái, čállá Ságat. Boland dubmejuvvui Sis-Finnmárkku diggegottis máksit 18 duhát ruvnno sáhkkun lobihis skuhtervuodjima ovddas Rávttošvuomi álbmotmeahcis, gos son ieš lea stivralahttu. Duopmu guoddaluvvo Alimusriektái earret eará dan dihte go das leat olu boasttuvuođat ja maid go sámegiel dulka lei beare heitot, lohká Bolanda bealušteaddji Trond Pedersen Biti.
Girječálli Inga Ravna Eira, sámi girječálliid searvvis, lei okta dain gii čuovui seminára.
– Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.
Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.
Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.
– Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.
Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.
– Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.