Suoma Sámediggeválggaid válgabođus čielgá iđitbeaivvi maŋŋebárgga.
Sámediggeválggaid jietnahárát lei guhkesáigásaš sámediggepolitihkkar Anu Avaskari Avvilis.
Nubbin eanemus jienaid fas čokkii Anni Koivisto Čeavetjávrris.
Dan čállá YLE Sápmi.
67 nissona Ruonáeatnamis, dahjege Kalaallit Nunaatas, gáibidit buhtadusa Danmárkku stáhtas.
Dat geavvá maŋŋá go Kalaallit Nunaatas biddjojedje spiralat máŋga duháha nissonii ja niidii vaikko eai leat diehtánge ahte leat ožžon prevenšuvnna.
Kalaallit Nunaatas gohčodit dan vejolaš álbmotgoddimin, ja Dánmárkkus ges gohčodit dan vearredahkun muhto lei jurddašuvvon buorren áigumuššan.
Vaikko spirala galggai suodjalit nissoniid de dat dávjá dagahii bákčasiid ja traumaid sidjiide.
Nissonat gáibidit 300.000 ruvnno juohkehaččii buhtadussan. Dat geavvá ovdalgo dutkit leat geargan guorahallat ahte leigo lágalaš dahkku bidjat spirálaid nissoniidda.
– Mun oaivvildan ahte gávdnojit doarvái duođaštusat, nu ahte mii sáhttit dál jo dadjat ahte leat geavvan lágarihkkumat, dadjá nissoniid bealušteaddji, Mads Pramming gii lea addán stevdnema stáhtaministtarii Mette Frederiksenii.
Pramming oaivvilda ahte buhtadusášši ja dutkama sáhttet geavvat oktanaga, ja deattuha ahte eanaš nissonat leat eallilan olbmot ja danin eai sáhte guhká vuordit mearrádusa áššis.
Son sávvá ahte Dánmárkku stáhta šállošit ja mieđihit vearredaguid.
Dánmárkku radio (DR) dat lei vuosttaš mii muitalii ođđasa stevdnema birra.
Sisáššiid- ja dearvvašvuođaministtar Sophie Løhde Gurutbellodagas celkkii DR:i dán:
– Lea botnihis lihkoheamis ášši, ja nissoniid muitalusaid čuhcet hirbmosit munnje. Lea dehálaš ahte mii gávnnahat mii dáhpáhuvai, ja danin leage bealátkeahtes dutkiidjoavku guorahallamin dan.
Den 23. oktober får tidenes første animasjonsfilm med kvensk tale sin premiere. «Kivikylä» er basert på Agnes Eriksen sin kvenske barnebokserie «Kummitus ja tähtipoika» som handler om «steinguttene» som bor i Kivikylä, Steinbygda.
Bak filmen står produksjonsselskap Siivet AS som blant annet er kjent for sin nyeste film «Mopeetila juurhiin – Med moped til røttene».
Premieren skjer på Aurora kino i Laksen den 23. oktober kl. 19.00.
