–Leat dušše "gávpotbellodagat", Birasbellodat, Sosialisttaš Gurutbellodat ja Gurutbellodat, geat eai doarjjo evttohusa, dadjá Ovddádusbellodaga stuorradiggeáirras ja bellodaga áššejođiheaddji, Jan-Henrik Fredriksen.
Doarju Sámedikki
Fredriksen dadjá ahte son hui dávjá lea vuostá Sámedikki vuosteákkaid, muhto juste dán áššis son ollásit doarju Sámedikki. Son čujuhii Sámedikki ja boazodoalu ákkaide, ahte gumpet leat stuorra goarádussan boazodollui.
–Boazodoallu han lea dehálaš sámi kulturguoddi, ja danin lea stuorra vahágiin boazodollui jus gumpeavádat viiddiduvvo davás, gosa galggašedje eanet gumppet.
Gávpotbellodagat
Fredriksen ákkastalai Stuoradikkis odne ahte gávpotbellodagat dat dorjot gumpenáli lassáneami ja gumpeavádaga viiddideami, namalassii Gurutbellodat, Sosialisttalaš Gurutbellodat ja Birasbellodat.
–Dat bellodat mii ges manná nuppe guvlui, ja doarju ja ovddida dakkár politihka mii oalát jávkadivččii gumpe, lea Guovddášbellodat, dajai,Jan-Henrik Fredriksen.
Báhčit vearrámus gumppiid
Sosialisttalaš Gurutbellodaga stuorradiggeáirras, Heikki Holmås, dajai iežas ákkastallamis ahte Stuorradikki eanetlohku dagaha ahte son, gii dán rádjai ii leat oaidnán ealli gumppe, ii beasa gumppe dás ovddasguvlui ge vásihit. Son ákkastalai ahte jus lea gumpe mii goddá bohccuid, de ii leat go dan báhčit, dajai Heikki Holmås.
Spiinnit čorvviiguin
Birasbellodaga jođiheaddji, Rasmus Hansson, gohčoda Svalbárdda bohccuid spiidnin, main leat čoarvvit.
Foto: Pedersen, Terje / NTB scanpixBirasbellodaga stuorradiggeáirras, Rasmus Hansson, dajai ahte dálá stuorradikki eanetlohku lea gáidan eret Norgga álbmoga eanetlogus, geat háliidit gumppe Norgga luonddus. Boazodoalu hárrái, de Hansson ákkastalai ahte Svalbárdda bohccot gohčoduvvojit spiidnin, main leat čoarvvit.
Dain bohccin lea dákkár hápmi danin go doppe eai leat gumppet, dajai Rasmus Hansson.
