NRK Meny
Normal

Guldal digaštallama suohkanovttastahttima birra

Suoidnemánu 1. beaivvi rádjai galget suohkanat mearridan áigot go ovttastuvvat eará suohkaniin, ja vejolaččat makkár suohkaniin. Jearaldat lea movt sámi beroštumit váldojuvvojit vuhtii dán proseassas.

Digaštallan suohkanođastusa birra
Foto: NRK

Suohkanovttastahttin buktá erenoamaš hástalusaid, muhto maid vejolašvuođaid sámi beroštumiid ektui. Sámi giellalávdegoddi, man ráđđehus lea bidjan johtui, lea guorahallan makkár váikkuhusaid gielddaid ovttastahttin buktá sámi beroštumiide.

Odne bovdii Sámediggi stáhta, gieldda ja fylkka njunnošiid Romsii ságastallat movt bisuhit sámi fálaldagaid ođđa suohkanođastusas.

NRK Sámi reportar Mariela Idivuoma lea čohkken muhtin oasi dáid njunnošiin digaštallamii, maid sáhtát dás guldalit:

Oasseváldit leat sámediggepresideanta Aili Keskitalo, sámeáššiid stáhtačálli Anne Karin Olli, Romssa fylkkamánni Bård Magne Pedersen, Guovdageainnu sátnejođiheaddji Johan Vasara, ja Unjárgga sátnejođiheaddji Knut Store.