NRK Meny
Normal

Guldal buot válgasátnedujiid dás

Dás sáhtát guldalit Harald Gaski ođđaseamos sátneduoji, ja maid dan golbma eará sátneduoji maid son lea ráhkadan sámi válgagičču oktavuođas.

Sátneduojit
Foto: NRK

Maŋimuš njeallje vahku lehpet gullan min sátneduojára Harald Gaski kommenteremin sámi válgagičču. Mii leimmet bivdán su veahá vinjučalmmiiguin árvaladdat sierranaš fáttáid birra, muhto dán maŋimuš kommentáras son lea válljen bissut duođalažžan Eurohpá vártnuhis báhtareddjiid dili geažil.

Loahpageahčen kommentára son dattege spiehkasta veaháš, ja muittaša mo su siidaguoibmerohkki gárttai gielddastivraáirrasin.

Dás sáhtát maid guldalit Harald Gaski eará sátnedujiid válggaid birra:

1.

Válgagiččus leamaš hui olu sáhka suohkaniid ovttastahttimiid birra, ja das dat Gaski vuolggaha ge iežas sága.

2.

Harald Gaski mielas dán jagáš válgagižžu čájeha sámi gielddaid dáfus seammalágán paradovssa go maid oaidnit riikadásis ge. Nammalassi dan ahte stuorra oktasaš áššit mat beroštahttet olles servodaga, leat dat mat ožžot eanemus fuomášumi sihke jienasteaddjiid ja mediaid beales.

Su mielas oaidnit dan giella- ja oahpahuspolitihkas, ja buot čielgasepmosit eananoamastangažaldagain. Son dattetge rámida sin guđet vuoruhit gielddadásis politihkket.

3.

Dát válgakoseriija lea riikkaviidosaš TV-válgadigaštallama birra mii sáddejuvvui Kárášjogas. Gaski árvaladdá movt riikka media ja riikkapolitihkkárat doibme sidjiide ođđa ja amas birrasis.

Dán válgagiččus lea leamaš olu sáhka nuoraid ja boarrásiid birra, ja Gaski lea áican miellagiddevaš ášši dan hárrái masa nuoraid ovddasteaddjit leat olu fuomášumi bidjan: