Guinness ii dohkehan máilmmiolahusa


Guinness world records ii dohkkehan gávttehasaid máilmmeolahussan. Geahččaleami duođaštii beakkán govvejeaddji Per Heimly, muhto 323 gávttehasa ovtta govas ii lean aŋkke doarvái.

Dette er 323 koftekledde mennesker
Foto: Per Heimly / NRK

Sámi álbmotbeaivvi dán jagi dat lei govvejeaddji Per Heimly bovdejuvvon govvet buot daid gávttehasaid geat bohte Detnui. Oktiibuot 323 gávttehasa čoagganedje govvii, muhto Guinness ii dohkehan dán mailmmiolahussan.

Olmmošveahka ii leat dohkálaš oláhussuorgi

NRK Sápmi lei iežas ohcámušas Guinness world recordsii gohčodan dán suorggi "eanemus gávttehasat seamma govas". Dá lea dat man Guinness hilgu. Sii čujuhit dasa ahte de livččii sáhttán govvet omd. olmmošveaga faláštallandoaluin, konsearttain dahje almmolaš ávvudoaluin. Sii eai dáinna heađuš dan maid NRK čađahii, ja sávvet ahte lea dohkálaš ákkastallan ja čilgehus sin bealis.

Ii leat beahtahallan

Redaksjonssjef Wenche Marie Hætta

NRK-Sápmi doaimmahushoavdá, Wenche Marie Hætta ii leat beahtahallan go eai olahan máilmmiolahusa gávttehasaiguin.

Foto: Tor Egil Rasmussen / NRK

NRK Sámi doaimmahushoavda Wenche Marie Hætta ii loga iežas beahtahallan dáinna. Lei somá sáhttit Deanus čohkket ná ollu gávttehasaid sámeálbmotbeaivvi, ja čájehit dán vel njuolggosáddagis. Gii diehtá, soaitá NRK Sápmi hutkat earálágan máilmmeolahusa geahččalit boahtte jagi sámeálbmotbeaivvi? Dál ii leat go geahččat makkár suorggit leat dássážii dohkkehuvvon, ja de heivehit ovtta dain ođđa tv-sáddagii, leaikkastallá Hætta.