Sámiid Vuorkádávviriin Kárášjogas gudnejahttet iežaset ovddes bargi Nils Turi rohke. Turi lea áinnar dávvirvuorkái ráhkadan olu modeallaid. Dát dat dál leat hápmejuvvon čájáhussii.
Sámiid Vuorkádávvira diehtojuohki Anders Henriksen muitala iežaset čájáhusain dáhttut gudnejahttit iežaset ovddeš mielbargi gii jámii skábmamánus 2005:s. Nils Turi lea Sámiid Vuorkádávviriid, SVD:ii, ráhkadan olu modeallaid sámiid eallimis.
Sámedikki girjerájus, juoigiid searvi ja Norgga mánáidgirjeinstituhtta lágidit odne rabas seminára.
Njálmmálaš muitaleapmi ja luohti lea leamaš dehálaš oassi sámi kultuvrras.
Máinnasteapmi ja luohti lea čohkken olbmuid sihke gulahallama ja guoimmuheami bokte. Lea maiddái leamaš dehálaš oassi sámi mánáid bajásgeassimis. Semináras digaštallet earret eará, movt otná njálmmálaš árbevierru váikkuha sámi mánáid- ja nuoraidgirjjálašvuođa.
Seminárii servet sihke juoigit, sámi girječállit, sámediggeráđđi, Cizáš – Oslo sámi mánáidgárdi ja earát.
Lea vejolaš čuovvut seminára dás.
Vaikke vel leatge rahpan girdijohtolaga Mátta-Norggas, de dat dagaha váttisvuođaid girdijohtolahkii davvin.
Olu girdit leat maŋŋonan mat livčče galgan girdit Davvi-Norgii dahje Mátta-Norgii. Avinor.no neahttasiiddus oainnát mat girdit leat maŋŋonan.
Mátta-Norgga girdijohtolat bissehuvvui duorastaga iđida go Oslo áibmogozihanguovddážis ledje teknihkalaš sivat.
Selv om luftrommet over Sør-Norge er åpnet igjen etter en teknisk feil torsdag morgen, skaper det fortsatt utfordringer for flytrafikken i nord.
En rekke fly sørover og nordover fra de større nordnorske flyplassene er forsinket på grunn at de tekniske feilene. Se oversikt på avinor.no.
