NRK Meny
Normal

Govat muitalit lagaš historjjás

Historjá internáhta ja mánáidruovttu mánáid dilis ovddešáiggis, geasuha dálá skuvllamánáid. Muhto logaldalli, Ingjerd Tjelle, vuohttá mánáin leat unnán dieđu lagaš historjjás.

Ingjerd Tjelle
Foto: Thoralf Balto


Mánát beroštit gullat das ahte makkár dat lei ovddešáigge internáhtta ja mánáidruovttu mánáid dilli. Dáid beivviid bessetge skuvllamánát Finnmárkkus gullat dán historjjás, go girječálli Ingjerd Tjelle johtá skuvllain Finnmárkkus, ja muitala historjjáš maid ieš lea suokkardallan ja čállán.

Tjelle lea ovdal bargan journalisttan aviissas Finnmark Dagblad ja Nrk Finnmárkkus ja Tromssas. Son lea maid čállán girjjid internahtaeallimis ja mánáidruoktoeallimis.

Kárášjogas skuvllas

Otne deaivvaimet mii su Kárášjoga mánáidskuvllas gos govaid bokte muitalii internahtta-ja mánáidruoktoeallin historjjás guđát luohkká mánáide. Vaikko muitala historjjá áiggis maid mánát eai dovdda, de lohká ieažas fuomášan ahte mánát duođaid guldaledje das mas son muitalii.

Illustrašuvdnagovva

Illustrašuvdnagovva

Foto: Thoralf Balto

Dehálaš diehttit historjjás

Tjelle lohká leat dehálažžan muitalit historjjás mánáide. Son vásihii maid ovtta luohkás ahte muhttin mánát eai diehttán eai maidige internáhta áiggis. Ja dát vel dakkáraš gielddas gos internáhta áiggis lea nana historjá.

Kultuvrralaš skuvllalávka/ Kulturelle skolesekken

Lea prošeakta Kultuvralaš skuvllalávkka Finnmárku/ Den kulturelle skolesekken Finnmark, mii lágida govvahistorjjá muitalusa dološ internáhta ja mánáidruokto mánáid dili birra. Ingjerd Tjelle álggii dáinna doaimmain vuossargga Guovddageainnus.

Fitná viđa gielddas

Dán historjjá muitala son dán vuoru viđa gielddas. Otne Kárášjogas, ihttin Leavnnjas, ja de manná Davvesiidda gildii. Loahpaha bearjadaga Gaŋggaviika gielddas.

Ieš čállán girjjiid historjjáin

Ingjerd Tjelle lea ieš čállán girjji sihke Internáhtta- ja mánáidruoktománáid dilis ovddeš áiggis. "Kultuvrralaš skuvllaseahka Finnmárkku" oktavuođas muitala son dán historjjá ja čájeha olu govaid. Son peršufinisere olbmuid daid govain. Sáhttá muitalit ahte dát bargi lei muhttin lágan heaksá, gii fasttit láhttii mánáiguin. Olu dáid govain maid čájeha oainnit bargiid, ja mánát leat ilus. Muhto mánáid historjá muitala áibba eará. Tjelle mielas olu govat gielistit dien lahkai mánáid dalá dilis.

Govaiguin čájeha historjjás


Govaid bokte son geahččala muitalit ja dahkat lagaš historjjá áddehahttin. Ovddeš historjá váikkuha otná dillái, lohká son. Internáhtta historjá lea erenomáš historjá olles Eurohpas.

Buot mii otne dáhpáhuvvá Finnmárkkus, ovdamearkka dihti dat ahte nuorát heitet skuvllas ja eará váttisvuođat mat leat dáppe, dat vulget daid váttisvuođain mat min lágaš historjjás lea dáhppáhuvvan, lohká Tjelle.

Historjá čuohcá

Mathias Vassvik Karlstad čohkkái ja guldalii ja geahčai daid govaid maid Ingjerd Tjelle čájehii. Son lohká lei buorre gullat historjjás, mii lea dáhppáhuvvan dáppe. Muhto lohká gal historjjá čuocan alcces.