Gonagassii lunddolaš searvat
Majestehta Gonagas Harald dajai Lappekodisilla doaluin Guovdageainnus ahte sutnje lea lunddolaš leat mielde dáin doaluin go dát han lea stuorra beaivi sápmelaččaide. Ja go jerre sus maid Majestehta Gonagas jurddaša das go áiggiid čađa leat sápmelaččat vásihan vearrivuođa, de vástidii gonagas ahte dan vearrivuođa duohken lea guhkes historjá. - Mis lea várra buohkain heajos oamedovdu dan hárrái ja danin leaige sutnje hui buorre leat dáppe dán historjjálaš dáhpáhusas go dat sáhttá leat veháš ávkin das go ovdalaš áigge eat lean nu jierbmái, vástidii Majestehta Gonagas Harald.
