Gonagasbárra bovdii bissojohkalačča ávvudoaluide

Bissojohkalaš Karin Larsen lea beassan gonagaslaš ávvudoaluide mat lágiduvvojit Slottspárkenis Oslos. Karin lohká šaddat hui miellagiddevaš dánge beassat vásihit ja sus leat ollu jurdagat dan birra.

Karin Larsen

Karin Larsen

Foto: Iselin Larsen /

Norgga gonagas Harald ja dronnet Sonja leaba bovden porsáŋgulačča ja bissojohkalačča Karin Larsena gonagaslaš riemuide mat lágiduvvojit Slottspárkenis Oslos čakčamánu 1. beaivve. Doalut bistet 2 diimmu, dii.14 rájes gitta 16 rádjai. Karin lohká šaddat miellagiddevaš beassat vásihit juoga maid ii goassige ovdal leat vásihan.

Moadde porsáŋgulačča beassan

Karin Larsen lohká iežas álggos nominerejuvvon beassat gonagaslaš ávvudoaluide ja dan maŋŋŋá son válljejuvvui beassat dohko. Olles Norggas leat 1500 olbmo geat leat beassan gonagaslaš ávvudoaluide mat leat čakčamánu 1. beaivve Slottspárkenis Oslos. Leat guovttis dahje golmmas eret Porsáŋggus geat leat beassan dáid doaluide, lohká Larsen. Go logai dán reivve maid šloahtta lei sádden sutnje de gal álggos ii jáhkán dasa maid oinnii. Karin Larsen doarggistišgođii ja šattai oaivejorgásii.

- Somá han duođai lea dánge beassat vásihit, lohká son

Šloahta olggobealde boradit ja suohtastallat

Gonagaslaš šloahta olggobealde galget sii boradit, gullat sártniid ja vel vásihit eará suohttasiid. Doalut leat gonagaspárra 25 jagi ávvudeami oktavuođas, danin go geassemánu 23. beaivve 1991:s Majestehta Gonagas Harald ja Majestehta Dronnet Sonja sivdnádalluiga Nidarosdomenis Troandimis.

- Ferte čábbát gárvodit go galgá gonagaslaš doaluide, muhto lea dušše dakkár galla- nammasaš doaluin gos sáhttá geavahit bunada, gávtti dahje kvena biktasiid, lohká Karin Larsen.

Kvensk Institutt

Kvena Instituhtta

Foto: Arne Ivar Johnsen / Nrk

Muitala Bissojoga ja kvenagiela birra

Jos Karin oažžu vejolašvuođa gonagassii ja dronnegii muitalit maidege Porsáŋggu birra, de háliida son áinnasge muitalit Bissojoga birra ja maid sii Bissojogas barget. Karin Larsen lea sápmelaš ja kvena ja bargá kvenagielain Kvena Instituhtas. Dan oktavuođas leage lunddolaš muitalit gonagasbárrii makkár gielaid olbmot Bissojogas hállet. Jos Karin oažžu vejolašvuođa deaivvadit gonagasbárain de háliida maid muitalit musea birra Bissojogas.

Bissojohkalaš Karin Larsen,lohká áigut gonagasbárrii muitalit kvenagiela birra ja ahte son lea bajásšaddan ruovttus gos gulai golbma giela, dárogiela, kvenagiela ja sámegiela.

Korte nyheter

  • Ådå vanntsaj Buks-Bereta namáv vaddi

    Råmså universitiehta ådå vanntsa Buks-Bereta namáv oadtju - «Buks-Berret». – Hiebalasj lij merragátkujna namáv vanntsaj vaddet, javllá prorektor Camilla Brekke (gåvån).

    Beret Johanna Paulsdatter Dypvand lij merrasábme Giehtavuonas, ja jådij Ufuohttaj. Sån lij oajvve guollárijda gå Lofåhtan lidjin guollimin. Riegádij jagen 1794, jámij jagen 1868.

    Lågå aj: Lip åvddåla ássjev tjállám kujna birra gut ietjas Buks-Beretijn buohtastahttá. Lågå dánna.

    Camilla Brekke
    Foto: UiT
  • Árvvoštallet njoarostan-NM gilvvu lágidit

    Otne galgá Sámi valáštallanlihttu ja Midnight Sun Marathon mearridit lágidit go heargevuodjingilvvuid ja njoarostangilvvuid Romssas dán jagi. Koronaeastadandoaimmat dahket ahte eai sáhte Storgatas gal lágidit dáid doaluid. – Sii galget dál iskkat sáhttet go NM-njoarosteame ja heargevuodjima lágidit eará báikkiin Romssas, čilge Midnight Sun Marathona beaivválaš jođiheaddji Nils I. Hætta. Njoarostangilvu ja heargevuodjimat galget lágiduvvot guovvamánu viđat ja guđát beivviid Romssas.

    NM i lassokasting. Tromsø 7. februar 2009.
    Foto: Håkon Isak Vars / NRK
  • Vejolaš njihtanášši Deanus

    Deanu gielddadirektevra bivdá politihkkariid juolludit ruđa mainna iskagohtet vel ovtta vejolaš njihtanášši gielddas. Maŋimuš áššis lea sáhka imašlaš rehkegiin main leat máksán virgealmmuhusaid Ruoŧas, 400.000 kruvnna ovddas. Ii nu stuorra ášši go dat vuosttaš mas lea sáhka birrasii 20 miljovnna kruvnnas. Gielddas dáhttot diehttit lea go vejolaš fidnet ruovttoluotta dáid ruđaid bargis gean navdet njihtanášši duogábeale. Dát bargi ii loga iežas sivalaččain ja lohká váilevaš oahpahusa gielddas duogáš dán áššái. Les saken her

    Kommunedirektør Inger Eline Eriksen Fjellgren i Tana, leder i kontrollutvalget Alf Børresen.
    Foto: CHRISTIAN KRÅKENES / NRK