Boaššoskárroráigge ii heiven čákŋalit lávvui
Vuoras olbmuin leat ollu dieđut mat nuorat olbmuide vedjet leat apmasat. Dán stohkosa lea álki oahppat, ja dan sáhtát álo dolvvodit mielde. Áidna maid dárbbašat lea muitit sániid ja dajaldagaid.
Geahča gomugárbáš-stohkosa.
Mat son nalešbáttit ja biššonbáttit leat? Guldal maid Ráikku Káre Karen Utsi Somby muitala:
Sánit
Nalešbáttit leat reahpenbáttit, loavdaga bajimuš báttit. Dat leat guhkimusat vai ollet čatnat vulos daid vai loavdda bissu badjin. Daid giessaledje birra goahtemuora, ja de čavgejedje doaresmurrii.
Biššonbáttit leat vulobealde nalešbáttiid. Daiguin čatne loavdaga oktii.
Boaššoskáru birra muitala Ráikku Káre ná:
Buddestatdávttit (buttosdávttit) leat juolgedávttit maid beatnagiidda lávejit addit. Daid čulle smávisin vai beatnagat besse borrat.
Ráhkká beana lea unna beatnagaš.
Gárbbis lea fanas.