NRK Meny
Normal

Golmmainlot olbmuin

Lohkosáni maŋis galgá sátni leat dábálaččat ovttaidlogus: golbmalot olbmo. Dás erenoamážit namuhan komitatiivahámi, go dat sáhttá leat muhtumiidda moalkái.

Logut
Foto: Else Turi / NRK

Ovttalađat lohku

Go lea ovttalađat lohku, de sodjá komitatiivvas ná:

1) golmmain olbmuin

2) čuđiin olbmuin.

-lot

Go logu maŋimuš lađas lea -lot, de sodjá vuosttaš lađas:

3) golmmainlot olbmuin

4) golmmainnuppelot olbmuin.

Stuorát logut

Stuorát loguin dahje eará máŋggalađat loguin sodjá maŋimuš lađas:

5) vihttalogigolmmain olbmuin.

Čuđežat

Olles čuđežiin earret go logus 100 leat moadde vejolašvuođa:

6) golmmainčuohte olbmuin (dáb. nuorttabealde)

7) golmmain čuđiin olbmuin (dáb. oarjjabealde)

8) golbmačuđiin olbmuin (dáb. oarjjabealde).

Geahča muđui sojaheami giellaoahppagirjjiin.

Gáldu: Konrad Nielsena Grammatikk-girji.