Gollerumbbu jallas ja dehálaš gilvu

Nrk Tromssa kulturjournalistta Per Kristian Olsen rámida Gollerumbbu go leat dahkan sága sámi musihkas. Lea buorre go sámi musihkas šaddá sáhka.

Gollerumbu

Gollerumbu

Foto: Mikkel Sara

Gula maid olbmot Guovdageainnus oaivvildit Gollerumbbu šuokŋagilvui

Gula maid Nrk Tromssa kulturjournalistta Per Kristian Olsen oaivvilda Gollerumbbu šuokŋagilvui

Nrk Tromssa kulturjournalistta Per Kristian Olsen lohká Gollerumbbu šuokŋagilvvu oalle dehálažžan, go dál lea sámi musihkas gullogoahtán eanet. Olbmot digaštallet mii lea buoremus sámi šuokŋa.

Jallas ja dehálaš

Per Kristian Olsen lohká su mielas lea dákkár girvu sihke jallodat muhto maddái dehálaš, ja nu leatge dalle hirbmat somá. Jalla danne go ii musihkain sáhte gilvalit, danne go juohkehaččas leat makkár nu muittut čatnon lávlagiidda. Danne lea váttis dás ráhkadit gilvvu, muhto dehálaš goit lea ná dahkat go dalle šaddá sáhka sámi musihkas.

Ođđa šuoŋat gilvvus mielde

Per Kristian Olsena mielas ii oro dahkamin maidige ahte maiddái áibba ođđa šuoŋat leat gilvvus mielde, ainnat duohtavuohta sáhttá leat dat ahte dat musihkka mii justa otne beaggá, dat ii šat beakke ihttin. Musihka galgá gal dieđos atnit árvvus, muhto olbmot dat das mearridit, sáhka makkár musihkkii gii liikosta.

Ádde neahttadigaštalliid

Iežas lohká bures áddet olbmuid geat digaštallet nrk.no/ sami neahttasiiddus. Dieđusge suhttet olbmot go justa dat musihkka ii leat nominerejuvvon masa sii liikojit. Musihkka lea áinnat dovdduide ja muittuide čatnon, danne lea váttis gilvalit buoremus musihkas.