Gollegiela bálkkašumi vuoiti guovttos sihke ilus ja balus

Mánnán son ražai sámegielain. Otne oažžu Ellen Pautamo (54) davviriikkalaš sámi giellabálkkašumi. Bálkkašumi juogada máttasápmelaččain Jonar Thomassoniin.

Ellen Pautamo, Gollegiela 2020 vuoiti

ILLUDA: Ergon-Máreha Ánne Elle-Máret lea Helssegis váldimin vuostá bálkkašumi.

Foto: Ulla Isotalo

Go Ergon-Máreha Ánne Elle-Máret (Ellen Pautamo) bajásšattai Eanodagas Suoma beale Sámis, de ii lean nu ealli giellabiras mánáid gaskkas.

– Mun ledjen oalle čuorbi sámegielas mánnán, árvosánit eai dohkken masage. Mu giellaberoštupmi ii eallán ovdalgo fárrejin Guovdageidnui, čilge son.

Muhto dalle son mearridii ahte sámegiella lea juoga mainna son háliida bargat. Ja dan son lea dahkan, go son oahpaha sámegiela buot lávddiin.

– Mun nu liikon oahpahit ahte in sáhte jurddašit eará barggu, váimmustan juogán iežan čehppodaga amas giella hávkat, lohká Ergon-Máreha Ánne Elle-Máret.

Mo dat dovdo oažžut bálkkašumi?

– Gal mun lean oalle balus go in leat nu hárjánan stuorra dilálašvuođaide, muhto seammás illudan sakka, lohká movttegis giellabálkkašumi vuoiti.

Giellabálkkašumi son jurddaša geavahit ovdánahttit oahpponeavvuid ávkin sámeservodahkii.

Son lea nu ilus go olbmot dál oidnet su barggu, ja iluin váldá vuostá bálkkašumi mii geigejuvvo sutnje Helssegis.

Ii jurddašan iežas barggu nu dehálažžan

Jonar Thomasson, Gollegiella vuoiti 2020

NJUORRASAN: Jonar Thomasson ii loga áddet ahte sutnje juolluduvvo bálkkášupmi.

Foto: Privat

Nubbi gii oažžu bálkkašumi lea máttasápmelaš Jonar Thomasson (73) Raavrhvijhkes eret.

Mánnán ii máhttán eará gielaid go máttasámegiela. Son ii riekta ádde ahte su bargu ánssáša bálkkašumi.

– Lei áibbas vuorddekeahtes bálkkašupmi, muhto seammás nu illudahtti ahte mu bargu sámegiela hárrái adno árvvus, lohká binnánaš njuorrasan vuoiti NRK:i.

Su giellaberoštupmi duođaid eallái go orui moadde jagi Kárášjogas.

Lei unnán dárogiella maid son máhtii go jagis 1954 álggii skuvlii. Dassážii lei orron čielga sámi birrasis, muhto skuvllas lei buot dárogillii, vaikko lei sámeskuvla.

Dasa ahte manai nu bures go manai, lei ahte sus lei máttasámegielat oahpaheaddji vuosttaš luohkás. Son jorgalii ja čilgii munnje go oinnii ahte in ipmir.

Su giellaberoštupmi duođaid eallái go nuorran orui moadde jagi Kárášjogas, gos váccii skuvlla. Doppe hálle buohkat sámegiela áibbas lunddolaččat.

– Ja dalle mun mearridin ahte lea dehálaš dikšut ja ovdánahttit mu iežan sámegiela amas nohkat, muitala son.

Nu bargagođiige gielain ja sus leat ollu prošeavttat, mat eai leat vel gárvásat. Dát bálkkašupmi lea buorrin veahkkin gárvet daid.

Korona dihtii ii leat son Helssegis dál. Sutnje lágiduvvojit doalut maŋŋil su ruovttubáikkis.

Nanu giellaovddideapmi addá bálkkašumi

Ná ákkastallá jury:

«Ergon-Máreha Ánne Elle-Máret Tamperes ja Jonar Thomasson Limingenis bálkkašuvvoba jagi 2020 davviriikkalaš Gollegiella-giellabálkkašumiin sámegielaid ovddideamis.

Sámegiela ja kultuvrra lektor Ellen Pautamo oažžu Gollegiella-bálkkašumi ánssuinis davvisámegiela oahpaheaddjin. Giellaáššedovdi Jonar Thomassonii bálkkašupmi mieđihuvvo su lullisámegiela ovdii dahkan barggus.

Giellabálkkašumi ulbmilin lea váikkuhit sámegielaid ovddideapmái, gárggiidahttimii ja seailluheapmái Norggas, Ruoŧas, Suomas ja Ruoššas. Juhkkojuvvo juohke nuppi jagi. Bálkkašumi sturrodat lea 15 000 euro.

Vuoiti guovttos juogadeaba dán jagáš bálkkašumi. Gollegiella - davviriikkalaš sámi giellabálkkašupmi geigejuvvo dál ovccát geardde.

Bálkkašupmi addojuvvo ovttaskas olbmui dahje organisašuvdnii Norggas, Ruoŧas, Suomas dahje Ruoššas

Korte nyheter

  • URBI: Thea forener samisk og kvensk

    Thea Thomassen fra Alta, kjent fra NRK Sápmis serie «URBI - Bare gjør det!» arbeider med et album der hun forener samisk og kvensk språk i musikken.

    – Nå er det min tur til å vise frem kulturen som har vært borte, sier hun.

    URBI - Bare gjør det! kan du se på NRK TV.

  • Gifter seg stadig i krematorium

    I 2018 besluttet Tromsø kommune å bytte navn fra Tromsø krematorium til et livssynnøytralt seremonihus med det samiske navnet "Sállir". Likevel står det fremdeles «Tromsø krematorium» på skiltet i oppkjørselen. Nå krever Human-Etisk Forbund at noe blir gjort, skriver iTromsø.

    Selv om husets funksjon er endret, er skiltet stadig det samme, som medfører at ektepar må gifte seg i "et krematorium".

    Krematorium
    Foto: Erling Bjørklund / NRK
  • NRK Sápmi retter og beklager

    NRK Sápmis datagenererte grafikk i flere artikler viser en samlet oversikt over avgitte stemmer til sametingsvalget på 101,8 prosent.

    Samlede avgitte stemmer til partiene kan selvsagt ikke overstige 100 prosent. Feilen skyldes at datasystemet vårt legger til blanke stemmer avgitt (1,8 prosent).

    Feilen er vår, og vi beklager. Vi retter feilen så raskt vi kan. Feilen påvirker ikke de øvrige tallene knyttet til stemmer og prosentandeler til partiene i lista.