NRK Meny

Goddin čuohcá studeanttaide

Áhkánjárgga studeantabirrasii lea čuohcan garrasit go disdaga guokte olbmo čukkohalaiga Skievášaldi bokte, lulábealde Narviikka. Nubbi dievdu jámii, ja nuppi sáddejedje buohccivissui go lei bahuid roasmmehuvvan. Roasmmehuvvan dievdu lea studeanta Romssa Universitehta Narviikka ossodagas, ja maiddái son gii jámii lei studeanta seamma báikkis. – Go studeantabiras lea nu unni, de dat čuohcá sidjiide buohkaide, dadjá studeantajođiheaddji Sara Nilsen.