Goaskinlohku ferte geahpeduvvot

Goaskinlohku ferte geahpeduvvot, dan oaivvilda Bargiidbellodaga sámediggejoavku. Máŋggat boazoorohagat leat čađahan iešguđetgelágan doaimmaid geahpedan dihte miessevahága, muhto dat ii leat lihkostuvvan. – Dál lea politihkkáriid duohken ollašuhttit boraspiresoahpamuša, dadjá parlamentáralašjođiheaddji, Vibeke Larsen. Son maid vuordá dál ahte sámediggeráđđi ovddida Biras- ja dálkkádatdepartementii dán ášši ahte geahpedit goaskinlogu.