Goappatlágan bivdonjuolggadusat

Dakko gokko rádjajohka Buolbmága bokte nohká ja gokko goappašiid bealde Deanu lea Norga, dakko nuppástuvvet maid luossabivdonjuolggadusat. Kránnjáš guovttos goabbatge bealde Deanu bivddašeaba goabbatge bealde rájá seamma jogas, muhto guovttelagan njuolggadusaid mielde.

Laksefiske i Tanaelva
Foto: Nils Henrik Måsø / NRK
Journalist

Buolbmágis nohká Deatnu Norgga ja Suoma rádjajohkan. Das vulos golgá Deatnu Norgga rájáid siskkabealde. Dat mearkkaša ahte luossabivdonjuolggadusat nuppástuvvet. Dan lea Deanu čázádaga guolástanhálddahus mearridan. Mii gullatge dás luossabivdi Ingvald Guttorm gean ektui doibmet eará bivdonjuolggadusat go Suoma beale kránnjáin.

Oanehaččat

  • Álgoálbmogat vuosttaldit ovttas

    50 álgoálbmot čeardda, miehtá Davvi Amerihkká, ledje duorastaga čoahkkanaddan čállit vuollái nannánviidosaš gáibádusa mii galggašii heađuštit oljosáddo doaimmaid viidáneamis sin árbevirolaš guovlluin, čállá nationalobserver.com.

    Dát ovttasbargu, mii seamma áiggis dohkkehuvvui sihke Quebec gávpogis ja British Columbias, galggašii bissehit buot árvaluvvon oljobohcciid, táŋka - ja toga prošeavttaid mat sáhttet váikkuhit álgoálbmogiid juhkančáhcái.

  • Ruonáeatnama gálvojohtu

    Dánskalaš álbmotbellodaga, Jørn Dohrmann, lohpida veahkehišgoahtit Ruonáeatnama nu ahte sin gálvojohtu buorebut olahivčče EO márkana, dieđiha knr.gl.
    Nu son lea cealkán vássán vahku Davviriikkaid oarjeráđi čoahkkimis mii dollui Nuuka gávpogis. Dohrmann dadjá iežas áigut eanet dovddusin dahkat Ruonáeatnama gálvvuid EO:s ja dan son áigu EO parlameantta bokte olahit. Čoahkkima fáddán ledje Ruonáeatnama báikkálaš hástalusat ja mo EO:in lasihit gávppašeami.

Laster Twitter-innhold