NRK Meny

Goappašagat duššaiga

Guokte olbmo leat duššan maŋŋel go fanas gopmanii Duoresvágis Vánnjás ikte. Nu duođaštit Davvi-Norgga Universitehtabuohcciviesus odne maŋŋelgaskabeaivve.
– Goappašagat jámiiga buohccivieus, nubbi ikte eahkes, ja nubbi mannan ija, lohká buohcciviesu preassavakta Jan Fredrik Frantzen.
Lihkohisvuohta dáhpáhuvai ikte go vihtta olgoriika turistta ledje guollebivddus Vánnjás. Dat guovttes geat duššaiga gávdnuiga fatnasis ja buokčit dat vižže sutno bajas.