NRK Meny
Normal

Goabbá sudnos lea stuorát

Stuorát,  govddit, bahččageabbo, dovdoseamos leat muhtun sátnehámit maid sáhttit geavahit veardádaladettiin.   

Bao Xishun, 2,36 meter høy
Foto: CHINA DAILY / REUTERS

Veardádallan

Adjektiivahámiid, omd. nuorat, dovdosat, stuorámus sáhttit geavahit veardádaladettiin. Gánnáhage fuomášit ahte eará gielaid veardádallanvuogit sáhttet báidnit min giela.  Eambbo, eanet, eanemus leat dakkár sánit mat vigget duvdit eret min árbevirolaš sátnehámiid, omd. eanemus dovddus bahkke árbevirolaš hámi dovdoseamos sadjái.

Komparatiiva

Duon veardidit duoinna:

1) Dot biila lea stuorát go mu biila.

2) Biret lea dovdosat/dovdosut/dovdoset/dovdosabbo/dovdoseabbo dáiddár go Ánne.

Superlatiiva

Duon veardidit duoiguin:

3) Son orru leamen lihkolamos/lihkolaččamus olmmoš dán máilmmis.

4) Son lea dovdosamos/dovdoseamos sámi dáiddár.

5) Diet lea buot njálgámus/njálgáseamos láibi.

Adjektiivvaid veardádallanvugiid sáhtát geahčadit dás: Adjektiivvat  dahje giellaoahppagirjjiin.