Go guolggat nohket

Guolggat sáhttet máŋgga láhkai gollat ja dain leat sierra namahusat.

Snurdon gáma
Foto: Else Turi / NRK

Kilde: h

Snuordut

Gápmagat/Goikkehat/Nuvttohat leat snurdon, go daiguin lea vázzon nu olu ahte guolggat leat buot nohkan. Govas oidno ahte gápmagat leat divdna adnon, vuođđu lea buot snurdon.

Guorbat

Guorbat maiddái muitala ahte guolggat leat gollan, leat oaidnit dego livčče boatkanaddan. Dat eai leat nu olu nohkan go dalle go snuordumis lea sáhka. Beaska ja gápmagat, erenomaážit čulggomat sáhttet guorbat. Bohccos sáhttet juolggit guorbat giđa beallái, muhto muhtumin gal sáhttet jo dálvet guorbat. Muhtun jagiid eai soaitte oppa guorbatge dahje áibbas unnán jos ii leat leamaš geardni.

Navválit

Navválit lea dalle go besset guolggat daningo assi lea njuoskkas. Jos ii goikat gápmagiid, de sáhttet navválit. Ja jos adnojuvvojit dakkár sajis gos orrot njuoskkasin, de maid sáhttet navválit.

Sirgŋat

Sirgŋat/Siđgŋat mearkkaša ahte suotna oidnogoahtá dahje oidno bures, gč. gova. Go gáma lea divdna adnon, de sáhttet sávnnjit sirgŋat. Maiddái dalle sáhttet sirgŋat jos lea heittot assi gápmasiin. Dalle ii doala sávdnji vaikko vel lávgege.

Gáldu: Lásse-Jon Risten, Kirsten Turi Gaup, Kárášjohka.