Nuorra 27-jahkásaš kárášjohtnieida Kathrine Nedrejord lea mearridan ahte son áigu jienastit girkoválggain, go son háliida girkoverráha ráhppat homofiillaide, vai sii maid besset náitalit girkus.
Kathrine Nedrejord áigo jienastit girkoválggain.
– Mun háliidan girku mii lea rabas homofiilla páraide, maid olu báhpat juo dorjot, muhto eanetlohku dárbbašuvvo girku njunnošis, lohká Kathrine.
– Girkui galget buohkat leat bures boahtin
Dálá Kárášjoga searvegotteráđi jođiheaddji Mette Anti Gaup doarju nuorra jienasteaddji, ja rámida go son háliida váikkuhit.
– Buorre go iešguđet ge oainnut bohtet oidnosii ja olbmot háliidit váikkuhit, lohká Anti Gaup.
Son lea jođihan searvegotteráđi guhtta jagi ja son maid háliida rahppaseabbo girku.
– Homofiillaid ektui mun jurddašan ahte girkui galggaše buohkat leat bures boahtin, beroškeahttá makkár olmmoš lea.
Anti Gaup rámiida báhpa Egil Lønmo gii sárdnidii Kárášjoga girkus giđđat go homofiillat lágidedje Sápmi Pride.
- Loga:
– Lean gullan ahte máŋgasiid mielas lea dat vearrámus mii gávdno jus girkus náitala homofiila párra, muhto mu mielas gal ii leat nu.
Ávžžuha jienastit
Mette Anti Gaup ávžžuha buot girkomiellahtuid jienastit, go girkoválggain lea leamašan hui heajos jienastusoasseváldin.
2009 jienastii 13,1 % Norgga girku miellahtuin dahje 400 674 miellahttu
2011 ges 13,4 % dahje 416 471 miellahttu
Oktiibuot leat girkus 3,8 milljovnna miellahttu,
- Loga:
– Son gii ii jienas son goitge ii beasa leat mielde moktege váikkuheames man ge láhkai. Nu ahte jienas, lohká Anti Gaup.
