Politiijat leat gaskaboddosaččat vearjuduvvan miessemánu 17. beaivvi mánáidtogaid áiggi. – Ii leat stuorát áitta ihttin go eará beivviid, muhto olbmot vurdet vearjudeami dávjjit dál go ovdal erenoamáš dáhpáhusaid áiggi, dadjá Háršttáid politihoavda, Frank Sletten.
Rádjeguovllus Jiemhte-Västernorrlandda leanain vuosttildedje guhtta jagi áigi bieggamillopárka maid ceggejedje sin boazoorohahkii. – Dalle dovdui dego livčče niibbiin čuggen njuolga min sillui. Dál lohka Marianne Gråik oaidnit ahte sisabahkkemat leat vearrát go maid jáhkke. – Bohccot láhttejit eará ládje go ovdal, dat vázzet áibbas eará sadjái go ovdal, go bieggaturbiinnat gavdnjejit ealu. Geahča video dá.
Miehtá Norgga vásihit dál ahte Rema 1000:s ja Coop-rámbuvrrain ii sáhte koarttain máksit. Manne nu lea, dan eai vel dieđe. Ášši ođastuvvo. Loga dárogillii dáppe.
