Hopp til innhold

Almmuheaba sámegielgirjjiid iežaska ruhtaburssain

– Doallá fal deaivása, mii eat doarjjo dien girjji, vástida Norgga Sámedikki ráđđeaddi Emma Margret Skåden. Girječálli lea behtohallan ja heađástuvvan.

Forfatter Rita Helmi Toivosdatter Laakso

BEHTOHALLON: Girječállii lea behtohallon go ii oaččo Sámedikkis doarjaga iežas girjái «Prinssaš ja goavddis»

Foto: Priváhta

– Sámediggi ii attaše dán skeaŋkka sámi mánáide, muhto moai háliidetne, dadjába girječálli Rita Helmi Toivonieida Laakso ja girjesárgu Heidi P. G. Haaker.

Sámediggi lea ohcalan mánáidgirjjiid.

Danne lea Laakso čállán iežas girjji «Prinssaš ja goavddis» sihke davvi-, lulli- ja julevsámegillii.

En bok av Rita Helmi Toivosdatter Laakso.

«PRINSSAŠ JA GOAVDDIS»: Muitalus bártnáža birra gii bajásšaddá sihke dáčča ja sámi kultuvrrain.

Buozalmasvuohta hehttehussan

Golggotmánu 1. beaivvi lei áigemearri sáddet girjji sámegiel giehtačállosa Sámediggái.

Buozalmasvuođa dihte ii ollen Laakso dan dahkat.

Forfatter Rita Helmi Toivosdatter Laakso
– Danne biehttaledje doarjumis girjji, muitala Laakso.

Sámediggi evttoha maŋidit

Sámedikki kulturossodaga seniorráđđeaddi, Emma Margret Skåden, muitala NRK Sápmái ahte Sámediggi ii doarjjo Laakso girjji.

Áigemearri lei golggotmánu 1. beaivvi. Eat sáhte dohkkehit ahte giehtačálus boahtá dan maŋŋel.

Emma Margret Skåden

– Addibehtet go doarjaga girjái jus Laakso ii almmut girjji sámegillii dál, baicca ohcá ođđasit boahtte ohcanáigemearrái?

Emma Margret
– Lea stuora vejolašvuohta ahte oažžu doarjaga de, vástida Skåden.

Almmuheaba Sámedikki doarjaga haga

Girječálli Rita H. T. Laakso ii loga sáhttit boahtte jahkái vuordit girjealmmuhemiin.

Rita Helmi Toivosdatter Laakso
– In sáhte vuordit girjealmmuhemiin, girji han lea juo čállon.
Rita Helmi Toivosdatter Laakso ble møtt med samehets utenfor CC Hamar
– Mus han leat juo olggosgolut dan hárrái.
Rita Helmi Toivosdatter Laakso ble møtt med samehets utenfor CC Hamar
– Letne priváhtaekonomijas dasa váldán loana, muitala behtohallon Laakso.

Galggaše rabas ohcanáigemearri

Hui buorre jus boađáše eanet mánáidgirjjit buot sámi gielaide, dan han mii váillahat, dadjá Sámi Girječálliid Searvvi (SGS) jođiheaddji Inga Ravna Eira, gii atná vahágin jus sámi mánát eai oaččo dán juovlamuitalusa dál.

Inga Ravna Eira

RABAS OHCANÁIGEMEARIT: Inga Ravna Eira oaivvilda ahte galggaše rabas ohcanáigemearit, eaige dušše guktii jahkái.

Foto: Nils John Porsanger / NRK

Eira oaivvilda ahte galggaše rievdadit girjeohcanáigemeriid.

– Lea váttis go leat dušše guokte ohcanáigemeari jagis, šaddá váttisin olbmuide geargat dasa sáddet, oaivvilda SGS jođiheaddji.

Jåma sávvá rievdadusaid

Sámedikki ráđđelahttu Maja Kristine Jåma šálloša go Laakso ii oaččo doarjaga Sámedikkis.

Maja Kristine Jåma
– Njuolggadusaid dihte eat sáhte addit doarjaga, muitala Jåma.
Muhto son lea lihkká giitevaš go beasai gullat dán hástalusa birra.

– Ovdal juovllaid galgat geahčadit boahtte jagáš njuolggadusaid. Áiggun dán hástalusa doppe ovddidit, ja sávvamis sáhttit boahtte jahkái dan rievdadit rabas ohcanáigemearrin, dadjá Jåma.

Sámedikki ráđđeláhttu Jåma doamiha vel muitalit ahte sii leat juolludan ruhtadoarjaga 35 eará lulli- ja julevsámegiel girjái.

– Illudan daid lohkat, dadjá Maja Kristine Jåma.

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.