Hopp til innhold

Girječállit moitet fágalávdegotti

Sámi Girječálliid Searvvi jahkečoahkkimis gieskat lei sáhka sámi girjjálašvuođa stipeanddain. Makkár fágalaš árvvoštallama vuođul fágalávdegoddi vállje geat stipeanddaid galget oažžut

Sámedikki stipeandastivra juolluda stipeanddaid dieđuid mielde mat bohtet ohcamiin, muhto maiddái ollislaš fágalaš árvvoštallama vuođul. Dás dat šattaige sáhka Sámi Girječálliid Searvvi jahkečoahkkimis dá gieskat

Heajos gelbbolašvuohta

Rauna Magga Lukkari lea okta dáin geat girjjálašvuođa stipeandda juolludemiin leat fuolastuvvan. Son oaivvilda SGS fágalávdegottis gal váilo fágalaš gelbbolašvuohta, sii leat dábálaš girječállit geain ii leat gal girjjálašvuođas universitehtta oahppu:

Ohcala fágalaš máhtolašvuođa

Girječálli Rauni Magga Lukkarii ohcalivččii Sámi Girječálliid searvvi fágalávdegottis fágalaš gelbbolašvuođa árvvoštallat girjjálašvuođa. Lávdegottis galggášii aba juo okta láhttu ges livččii leat universitehtta oahppu girjjálašvuođas, dál ráđđe vuoikkaba fuolkevuohta, lohká son. Lukkari oaivvilda Sámi Girječálliidsearvvi mielahttuin ii leat dohkálaš oahppu árvvoštallat girjjálašvuođa.

Heajos fágalávdegoddi

Sámi Girječállid searvi lea ieš válljen miellahttuid fágalávdegoddái mii galgá Sámedikki ovddas válljet geat stipeanddaid galget oažžut, dán lávdegotti dat láitetge girječállit. Máŋggas dáhtto dán guorahallat, go oaivvildedje ahte stipeandaoažžut eai árvvostallo fágalaččat. Dál lea fágalávdegotti mearrádusat loahpalaččat, ii abut gosage váiditge dáid, lohká Lukkari:

Ii sáhte váidit mearrádusaid

Sámi Girječállid searvi girjjálašvuođa fágalávdegoddi dat árvala Sámedikki stipeandalávdegoddái geat stipeanddaid ánssášit oažžut. Ja njuolggadusain daddjo ahte fágalávdegotti mearrádusaid ii sáhte váidit. Váidinvejolašvuohta lea ráddjejuvvon dušše dasa mii guoská áššemeannudeapmái ja riektegeavaheapmái.

Gula jearahallama

Publisert Oppdatert

Ártna vuorká

Mer om: Ártna vuorká

Mer fra NRK Sápmi

Korte nyheter

  • Ođđasat - Davvisámegillii

    Stuorra beroštupmi lohkat sámegiela

    Dál leat ohcciid logut almmolaččat Sámi allaskuvllas ja erenoamáš bivnnut lea lohkat sámegiela easkaálgi dásis. Dássážii leat 70 ohcci ja eatnašat sis leat bidjan dán váldovuoruheapmin. Masteroahpu sámegielas lea maiddái bivnnut, 24 leat ohcan dasa.

    – Lea hui buorre oaidnit loguid ahte man gallis háliidit oahppat sámegiela ja lea šállu go mis leat dušše 15 oahpposaji. Dát mearkkaša ahte lagabui 55 kvalifiseren ohcci gártet vuordinlistui, ja danne ferten boahttevaš vahkuid vuoruhit gulaskuddančoahkkimiid sihke Sámedikkiin, ráđđehusain ja Stuorradikkis politihkalašjoavkkuiguin, dadjá rektor Liv Inger Somby. Go giellaoahppu lea nu bivnnut, de ferte dása gávdnat čovdosiid, eambbo resurssaid ja ruđa, joatká Somby.

    Sámi allaskuvla fállá maiddái easkaálgi oahppu lullisámegielas ja dása leat 11 ohcci, muhto máŋggas eai leat vuoruhan dán oahpu bajimužžii. Nu čállá Sámi allaskuvla preassadieđáhusas.

    Sannhets- og forsoningskommisjonen overrekker rapporten. Kommisjonsmedlem Liv Inger Somby.
    Foto: Torgeir Varsi / NRK Sápmi

  • Suodjalus lea viežžan iežaset ruskkaid álbmotmeahccis

    Ruskkat maid gávdne duoddaris maŋŋá Nordic Response soahtehárjehallamiid lea dál vižžojuvvon Suodjalusas.


    Maŋŋágo Nato-hárjehallan Nordic Response lei leamaš Rávttošvuomi álbmotmeahcis njukčamánus, de fuomášuvvui ahte guovllus ledje ollu ruskkat.

    - Dát ii livčče galgan dáhpáhuvvat, dadjá Marianne Rygh Bø, gii lea birasgáhttenoffiseara Suodjalusa operatiivvalaš váldoguovddážis.

  • Nyhetssenter Troms og Finnmark

    Trekker drikkevanns-protest

    De planlagte vindturbinene som kunne true drikkevannet i Berlevåg, skal flyttes.

    Det har Varanger Kraft Hydrogen besluttet.

    I fjor sa Mattilsynet nei til å utvide vindkraftanlegget på Raggovidda. Grunnen var at et eventuelt utslipp av kjemikalier ville havne i drikkevannet.

    Men en flytting av fire turbiner var alt som skulle til. Nå har Mattilsynet trukket tilbake sin innsigelse.

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen