NRK Meny

Girdi gáhččan Meksikos

Davvi-Amerihkas, Davvi-Meksikos lea girdi gáhččan mas ledje 101 mátkkošteaddji, nu muitalit báikkálaš mediat. Lihkohisvuohta dáhpáhuvai Durango oassestáhtas. Girdi váruhuvvo gahččan njuolga maŋŋel go lei loktanan Durango internášunála girdišilljus. Oassestáhta guvernevra Jose Aispuro čállá Twitteris ahte oktage ii leat dán lihkohisvuođas duššan, muhto 80 olbmo leat roasmmehuvvan.