Girdi gáhččán Kolombias

Kolombias lea gádjunveahka gávdnan 25 olbmo duššan ja 5 olbmo geat cevze girdigáhččamis mannan ija. Chartergirdi mas ledje 81 mátkkošteaddji gáhčai oarjedavvin Kolombias. Girdi lei jođus Brasilas Kolombiai ja Brasila spábbačiekčanjoavku Chapecoense lei dán girdi mielde. Joavku galggái čiekčat Copa Sudamericana finálas dán váhku, Kolombia joavkku Atletico Nacional vuosttá. Ii leat vel čielggas manne girdi gáhčai.