Miessemánu 28. beaivvi álget čiekčamat Sukhum-gávpogis , gos loahppačiekčamat leat geassemánu 5. beaivve. Čiekčamat lea Dinamo čiekčanbáikkis, gosa 4300 geahčči čáhket.
– Mis ii leat ovdal leamaš ná stuorra gilvu beassat mielde čiekčamiidda, ja son oaidná hástalusa guđ 12 joavkku besset mielde, lohká spábbačiekčanlihtu Conifa presideanta Per-Anders Blind.
Dál lea goalmmát geardi go Conifa lágida dán máilmmicupa, ja FA Sámis lei Staares joavku mannan jagi.
Loga maid:
Bearjadaga stivrračoahkkin
FA Sámis lea bearjadaga stivrračoahkkin Romssas, gos earret eará mearridit galget go geahččalit searvat čiekčamiidda Abkhazias.
– Sii berrejit gal leat mielde dákkár čiekčamiin, muhto lea stivra mii mearrida ja de ferte sávvat ahte besset dohko mielde, lohká FA Sámi presideantta, Håkan Kuorak.
FA Sámis lea maid stivrračoahkkimis bearjadaga sáhka sámi nissonspábbačiekčama ealáskahttimis ja okta eará stuorra ášši maid Kuorak ii vel hálit almmuhit.–
Soitet ráŧkačiekčamiin álgit
Conifas oidnet hástalusa go ollu joavkkut hálidit searvat, danin lohká presideanta Per-Anders Blind áiggi dál kontineanttaid mielde lágidit rátkkačiekčamiid.
Blind ii dieđe goas nissončiekčamat lágiduvvojit, dan eai vuorut dál gal.
– Eará lea ahte vuosttaš geardde lágidat Beach Soccer VM, masa gávcci joavkku váldit mielde, earret eará Brasilas joavkku, loahpaha Per-Anders Blind.
