Normal

Gievrie edtja almetjidie Snåasese guvhkiehtidh

Saemien sijte, Snåasesne, edtja daam vuesiehtimmiem «Saemieh Saepmesne» daan giesien vuesiehtidh.

Runebomme pakkes ut i Rørvik

Gievriem jaepien 2010 veedtjin.

Foto: Jørn Haudemann-Andersen / NRK

Saemien Sijten vuesiehtimmie «Saemieh Saepmesne» lij vihtesjimmieprosjeekte mij lij dej jaepieh 2008-2011 gaskem. Saemien histovrijem, saemien aerpievuekien daajroe jih arkeologeske barkoem vïhtesjidh. Daate lea ektievuekien barkoe saemieh, histovrikerh jih arkeologi gaskem.

Gievriem Luvlie Njåamesjen dajveste vuesiehtidh.

Jaepien 2010 dellie gaavnin aktem gievriem Luvlie Njåamesjen dajvesne, Raarvihkesne. Daan prosjeekten tjirrh «Saemieh Saepmesne» nuepiem åadtjoejin jih daam gievriem vaereste veedtjedh jih Vitenskapsmuseumese Tråantesne våarhkose biejedh. Lisa Dunfjeld Aagård, konservatore Saemien Sijtesne, dihte daelie geerjene maehtieh daam gievriem daan giesien Snåasesne vuesiehtidh.

– Daate lea joekoen vihkeles. Mijjieh jeahteme, edtjebe gievriem veedtjedh, gosse dam orre Saemien Sijten gåetiem bigkeme jallts jeatjah saemien institusjovnese. Daelie joe vijhte jaepieh vaaseme jih ibie dan mearan ennje jaakseme, Dunfjeld Aagåre jeahta

Lisa Dunfjeld-Aagård

Lisa Dunfjeld Aagård, Konservatore Saemien Sijtesne.

Foto: Saemien sijtes pressebilde

.

Guktie daelie maehtede, daam gievriem Snåasesne vuesiehtidh?

– Daate gievrie joekoen hiejjehts, daelie åadtjebe monterem jih dagkeres klima anleggem løønedh jih daate viehkie dorje maehtebe jienebh båeries tjåenieh mænngan Snåasesne vuesiehtidh, Dunfjeld Aagårde bievnede.

Runebomme

Daam hiejjehts gievriem edtjieh Saemien Sijtesne vuesiehtidh.

Foto: Jørn Haudemann-Andersen / NRK

Daan giesie vuesietimmiesne åadtjode daam historijem govledh jih guvvieh jih filmem vuejnedh, gåessie daam gievriem våålese voenese veedtjin.

Vuesiehtimmie «Gåetie»

Dihte mubpie vuesiehtimmie Saemien Sijtesne lea «Gåetie» Daan digitaale tjiehtjelisnie, dah gæktsieh jaepie boelhki bijre. Daesie animasjovne, tjoeje jih guvvieh. Daate lea ektievuekie prosjeekte Saemien Sijten jih Noerhte- Trøndelaagen Jolleskuvlen gaskem.

Saemien Sijten giesie vuesiehtimmie aalka ruffien 29.b.