Hopp til innhold

Giellačiehka

  • Báikenamat dohkkehuvvon

    Vuosttasš 12 báikenama nuortalašgillii leat dál formálalaččat dohkkehuvvon ja biddjon guovddáš báikenammaregistarii. – Dá lea álgu nuortalašgiela čalmmustahttimis ja ealáskahttinbarggus nuortalašgiela árbevirolaš guovllus norgga bealde, dadjá Sámediggepresideanta Aili Keskitalo.

  • Lullisámi dulkaoahpahus 

    Dál lea álggahuvvon dulkaoahpahus OsloMetas Norggas. Lea ge vuosttaš geardi go fállojuvvo oahpahus lullisámegielagiidda, geat háliidit dulkan šaddat. Lea stuorra dárbu lullisámi dulkkaide. Dan lohká okta dan viđa oahppis, Stig Eebre Somby.

Korte nyheter

  • Dárbu humaniteara veahkkái máilmmis

    Ii goassege ovdal leat leamašan nu olu dárbu humaniteara veahkkái máilmmis, go dan maid boahtte jagi boahtá leat. 339 miljovnna olbmo máilmmis bohtet dárbbašit dákkár veahki jagi 2023, nu dieđiha ON-kantuvrra humaniteara áššiid ossodat. Eanet go 100 miljovnna olbmo leat báhtaran soađis dahje luonddukatastrofain. Ja dasa lassin bohtet vel dat vahát maid pandemiija lea dagahan geafimus olbmuide máilmmis, dieđiha ON.

    På grunn av væpnet konflikt og COVID-19-begrensning, kan ikke folk gå ut av deres territorier. Matmangel og sviktende hjelp setter urfolkssamfunn i en vanskelig humanitær situasjon i Buenaventura, Colombia
    Foto: NRC/FTZ Studio
  • Eahpesihkkarat alkohola geažil

    Mánát sáhttet šaddat eahpesihkkarat olu ovdal go maid leat jáhkkán, go ollesolbmot juhket alkohola. Nu dadjá alkoholvettorganisašuvnna Av-og-til generálačálli, Ragnhild Kaski. Son ávžžuha ollesolbmuid geat ávvudit juovllaid mánáiguin ahte juhket ovtta dahje guokte ovttadat alkohola, ja de bisánit juhkamen. Juovllat galget leat mánáid allabassi, dadjá Kaski.

    Alkohol og jul
    Foto: Anette Torjusen / NRK
  • HIV-njoammun lassánan

    Norggas lassána hirbmosit HIV-njoammumat. Eanaš oassi lassáneami sivvan lea go Ukrainalaččat leat fárren Norgii, dieđiha Álbmotdearvvašvuođainstituhtta. Diibmá čujuhedje 102 olbmos HIV-njoammuma Norggas, dán jagi lea lohku 217 ođđa njoammuma. Golbma, njealji ukrainalaš báhtareaddjis geas lea HIV-njoammun, leat nissonolbmot. Danne lea maiddái nissonolbmolohku, geain leat čujuhan njoammu, badjelis go ovdal lea leamašan.

    Blodprøve
    Foto: Rainer Prang / NRK