Giellačeahppi duššai buollimis

Ruošša sámebáikkis Lujávrris lea dál stuorra moraš. Sotnabeaivvi iđđedis doppe duššaiga guokte olbmo garášabuollimis. Nubbi lei Jevgenij Juškov - dovddus jorgaleaddji, dulka ja giellačeahppi, gii máŋga jagi lea bargan Sámiráđis. Su ja vel nuppi olbmo rupmašat gávdnojedje Juškov garášas, mii lea buollán masá gudnan. Politiiját eai loga dán lihkohisvuohtan ja navdet dáhpáhusa vearredahkkun. Dál politiijat guorahallet ášši. Jevgeij Juškov lea orron Kárášjogas ja studeren Sámi allaskuvllas Guovdageainnus.

Jevgenij Juškov, Jevgenij Jushkov
Foto: Privat