NRK Meny
Normal

Gïele peanna

Gïele peanna akte øøhpetimmie dirrege, mij edtja maana jih noeride gïelem lïeredh.

Gïelepeanna

Gïelepeanna.

Foto: Ristin Persson / NRK

Daate gïele peanna, Pen Pal, akte Mp3 Spillere ,guktie maahta baakoeh, vaajesh soptsestidh jih aaj våarhkose biejedh. Daesnie sensore jih hot spots mij edtjieh baakoem vihth gaavnedh, gusnie paehpereleahpa barteme. Karin Sohlberg daejnie gïele peannine barka.

Karin Sohlberg

Karin Sohlberg, gïele peannan bijre soptsesti.

Foto: Ristin Persson / NRK

–Daate lea dirrege mij edtja lustes laakan gïelem evtiedidh. Daate gååvnese abpe veartenissnie jih aaj Sveerjesne. Daelie edtjebe vuesiehtidh, guktie saemien maanah jih skuvle maanah, maehtieh daam provhkedh jeahta Sohlberg.

Skuvlh jih Tjïelth.

Maidi P Steinfjell, gïele konsuvlente, Raarvihken tjïeltesne, dihte veanta daate hijven.

Maidi P Steinfjell

Maidi P Steinfjell, Raarvihken tjïelten gïelekonsuvlente.

Foto: Ristin Persson / NRK

– Daate sjiehteles orreme, daejtie tjïelten baarkijde mij edtjieh saemien gïelem lieredh. Lohkem daan peannan sijse jih dellie maehtieh baakoe ohtsedidh jih peannan tjirrh govledh, guktie saemien gïelesne jiehtedh.

Saemien skuvline nuhtjieh.

Maalegen tjïelte daam gïelepeannam nuhtjeminie, gïele ektietæjja Ulrika Renström girmie.

Ulrika Renström

Maalegen tjïlten ektietæjja.

Foto: Ristin Persson / NRK

– Mijjieh nuhtjebe daam gïelepeannam maanagïertesne jih tuhtjem hijven. Dibretamme peahpereleahpa jih dellie maanah jijtje baakoeh uhtsieh jih gïelepeannan tjirr bakoem guvlieh. Dellie mij akth lustes sjædta jih peannine jijtje baakoe ohtsedh.