NRK Meny
Normal

Gáivuotna vuolimus sámi gielddain

Vihtta Finnmárkku gieldda leat vuolimusas Norgga 2014 Gielddamihttáris. Hammerfeastta lea vuolimus.

Bispevisitas i Kåfjord

Gáivuotna nágoda fállat mánáidgárdesaji buot mánáide

Foto: Klemet Anders Sara / NRK-Sámi Radio

Gielddamihttár 2014 loguid ja dieđuid lea čohkken Kommunal Rapport . Das leat mihtiduvvon buot 428 Norgga gieldda 13 sierra suorggis, makkár fálaldagaid gielddat nagodit ássiide fállat. Guhtta dehalemos mihttu dás leat vuođđoskuvllafálaldat, boarrásiid dikšu, mánáidsuodjalus, mánáidgárdi, dearvvašvuođabálvalusat ja gieldda ruhtadilli.

Diimmá logut maid čájehit, ahte Norgga davimus gielddat leat vuollin dán listtus.

Ii oro heivemin

20 heajumusaid gielddaid searvvis leat guokte sámi gieldda. Kárášjohka gávdno listtus 411:át sajis ja davvi Romssa gielda, Gáivuotna lea ain vuollelis. Várresátnejođiheaddji, guovddášbellodaga Svein O. Leiros ii ádde manne Gáivuotna lea nu vuollin. -Sii nagodit fállat buot mánáide mánáidgárdesaji, gielddas lea buorre ruhtadilli, sis eai elat vuordinlisttut dearvvašvuođabálvalusaide Sii fertejit guorahallat de dárkileabbo, manne Gáivuotna lea ná vulos gártan, dadjá Leirås.

Svein Leiros

Gáivuona várresátnejođiheaddji Svein Leiros ii ádde manne Gáivutna lea nu vuollin listtus

Foto: Privat

Leiros dadjáge, ahte sii Gáivuona gielddas váldet vuhtii dat mii boahta ovdan raporttas.

Loga maid: Samekommuner i motvind

Poršángu ovdána

Snoase gielda davvi Trøndelágas lea 148:át sajis ja dat leat buoremus daid sámi gielddain mat leat mielde sámigiela hálddašanguovllus. Poršánggu gielda lea nummir 287. Ja dat leage goalmmádin buoremus Finmárkku gielddain.

-Poršánggus lea nuppástuhttimat leamašan olles dán 2000-logus ja dál sis lea beaktilis dearvvašvuođabálvalusat ja buorit skuvllat, dadjá várresátnejođiheaddji olgešbellodaga Reidun Hesjevik.

Poršángu, mii áiddobeliid leamašan Robek-listtus, ferte gal bargat garrasit vai nagoda buoridit fáldagaidasas, nu mo earáge davvi Norgga gielddat.

-Sii fertejit buorebut stivregoahtet ruhtadoalu, dadjá Hesjevik.


Guldal ášši:

Kommunebarometer 2014


Buoremus guokte jagi maŋŋálagai

Høylandet gielda Davvi Trøndelágas, gos ásset 2000 olbmo, lea dán Gielddamihtára mielde Norgga buoremus gielda. Jo nuppi geardde maŋŋálagai. Dat lei buoremus gielda maiddái diibmá.