Hopp til innhold

Gergosat lágidit festiválaid jus fal besset

– Mii sávvat ahte šaddá festivála, muhto mii eat dieđe dan dihte go dilli rievdá beaivvis beaivái, lohká Riddu Riđu festivála jođiheaddji Sandra Márjá West.

Sandra Márja West

FESTIVÁLA BOAHTTEÁIGI DEHÁLEAMAOS: Dat dieđusge ii leat somás dilli, muhto Riddu Riđđu boahtte áigi lea dat mii lea buot deháleamos dál, lohká festivála jođiheaddji Sandra Márja West.

Foto: Rune Nordgård Andreassen

Suoidnemánus galggašii Riddu Riđđu festivála lágiduvvot Gáivuonas, muhto lágideaddjit leat dál bissehan plánenbargguid go lea ain nu eahpesihkkaris dilli máilmmis korona virusa leavvama geažil.

– Mii leat bidjan bottu dál buot plánemii, muhto jus de lea vejolašvuohta geasset de mii leat hui gergosat lágidit festivála, lohká West.

Mearridit geassemánus šaddá go festivála

Norgga eiseválddit leat gieldan buot lágidemiid mat čohkkejit olu olbmuid gitta cuoŋománu 13. beaivve rádjái. Lea ain eahpesihkkar guhkiduvvo go dát gielddus maiddái maŋŋel beassážiid.

Riddu Riđđu

EAHPESIHKKARIS DILLI: Riddu Riđđu festivála galggašii lágiduvvot Gáivuonas geassemánu 8.-12. beaivvi, muhto lágideaddjit eai vuos dieđe besset go dán jagi lágidit festivála.

Foto: Pressebilde / Riddu Riđđu

Riddu Riđu jođiheaddji muitala ahte festivála prográmma lea jo gárvvis ja measta buot artisttat leat jo diŋgojuvvon geasi festiválii.

Sii leat dál bivdán artisttaid ahte eai diŋgo vuos mátkkiid Gáivutnii ja sii leat maid bissehan buot ođđa šiehtadallamiid artisttaiguin mat eai leat vuos diŋgojuvvon.

– Mis lea leamaš dakkár beaivvis beaivái árvvoštallan leago doaivva vai ii lágidit festivála dán geasi muhto šattai nu lossat dan juohke beaivve árvvoštallat, nu ahte mii leat sirdán olles dan mearrádusa ja dadjan ahte mii mearridit maŋemustá geassemánu vuosttaš beaivvi šaddá go festivála vai ii.

Márkomeannu árvvoštallá čakčii maŋidit

Maiddái Márkomeannu ja Midnattsrocken leat bidjan áigemeari geassemánu álgui mearridit šaddá go dán jagi festivála vai ii.

– Mis lea ain doaivva ahte šaddá festivála, ja vuordit nu guhká go sáhttit ovdal mearridit maidege, lohká Finnmark Festivalarrangør stivrajođiheaddji Sten Rune Pettersen.

Márkomeannu lea bissehan buot diŋgojumiid ja dál dušše vurdet maid eiseválddit ain mearridit.

Aili Guttorm

VURDET GEASSEMÁNNUI: Álggus geassemánu mun jáhkán mii diehtit šaddá go festivála vai ii, lohká Márkomeannu festivála jođiheaddji Aili Guttorm

Foto: Marie Louise Somby

– Lea hui váivi, muhto nie lea dálá dilli, lohká festivála jođiheaddji Aili Guttorm.

Son dadjá ahte jus ii sáhte lágidit festivála suoidnemánu loahpageahčen nu go lea plána, de gávdnojit maid eará vejolašvuođat.

–Soaitá nu ahte sáhttit čakčii lágidit juoidá, muhto mii feret dál vuos beare oaidnit mot ovdána, lohká son.

Ii jáhke šaddá festivála

Beaskán Luossa Rock festivála galggašii lágiduvvot Kárášjogas suoidnemánu álggus, muhto festivála hoavda Stig Arne Somby ii jáhke dán jagi šaddá festivála.

– Nu mot dál orro, de ii oro šaddame festivála dan geasi. Mii leat dadjan ahte maŋŋel beassážiid mii fertet mearridit maid dahkat.

Su mielas lea dehálaš vuoruhit sihkkarvuođa.

Stig Arne Somby

II JÁHKE ŠADDÁ FESTIVÁLA DÁN JAGI:- Mis lea festivála nu árrat ahte mun lean eahpesihkkar šaddá go mihkkege dán jagi, dadjá BeaskánLuossaRock festivála hoavda Stig Arne Somby.

Foto: Emmi Alette Danielsen / NRK

– Ii leat somá lágidit maidege jus olbmot eai duostta boahtit, mis lea vel festivála nu árrat geasset, lohká son.

Loga eanet korona-virusa birra

Eai dárbbaš máksit doarjagiid ruovttoluotta

Riddu Riđđu festivála jođiheaddji lea gulahallan festivála ruhtadeddjiiguin ja ožžon dieđu ahte sii eai áiggo geassit ruovttoluotta doarjagiid jus ii šatta festivála dan geasi..

– Mii leat ožžon positiiva vástádusaid. Sámediggi lea dadjan ahte eai áiggo geassit ruovttoluotta doarjagiid covid-19 dihte. Maiddái Tromssa ja Finnmárkku fylkagielddas áddejit dan dili mii mis lea dál.

– Dat goit lea hui buorre ja dehálaš midjiide, vai mii sáhttit joatkit festiválain. Jus ii šatta dan geasi de mis goitge lea festivála boahtte jagi, dadjá West.

Korte nyheter

  • Mánájgárggán nálsoduváj

    Magnus (5) lij nasjonalbæjvváj ávvudallam, ja iesj mierredij majt sån galgaj tjágŋat ja makkir slávggá sån galgaj adnet. Gápptáj lij tjágŋam ja sámeslávgáv maŋen mánájgárggán Bådåddjon váttsátjit – valla ávvudallam ittjij nav hávsske sjatta. Mánájgárggán nálsoduváj, iednes Hege Annie Nordlund Hagena milta.

    – Harmmadit moarádav ja hæsoduváv, javllá Hagen.

  • Gjev pris til UiT-professor

    Professor emeritus Ola Graff mottok fredag Prisen for folkemusikk og folkedans 2022, melder UiT. Graff har samlet inn både norsk, kvensk og samisk musikk – til det som i dag er verdens største samling av joik. Prisen ble delt ut på Riksscenen i Oslo.

    Professor Ola Graff i Tromsø Museum
    Foto: Mariela Idivuoma / NRK
  • Samiske redaktører krangler om pressestøtte

    Den samiske avis- og forleggerforeningen Sálas krever at pressestøtten til SamiMag tilbakebetales i sin helhet.

    Det samiske magasinet Sámimag har fått varsel om at Medietilsynet vil kreve 4,4 millioner kroner tilbakebetalt av tidligere utbetalt pressestøtte.

    Magasinet fikk totalt 11,9 millioner kroner i pressestøtte for 2019 og 2020, som Medieklagemenda har avgjort de ikke hadde krav på. Nå krever Medietilsynet 4,4 millioner kroner tilbake.

    Daglig leder Jan Skoglund Paltto har overfor fagavisen Journalisten kalt pengekravet en skandale.

    Eierselskapet Isámi Press AS fikk et regnskapsmessig overskudd i 2020 på 6,8 millioner kroner. I 2019 var resultatet på - 1,6 millioner kroner.

    Vánhen Jan Skoglund Paltto
    Foto: Klemet Anders Sara / NRK