Geavahit ain váralaš ommaniid

30 proseantta Finnmárkku álbmogis geavahit ain boares muorraommaniid maid ii lean šat lohpi vuovdit 1998 rájes. Bergena buollinčáskadeaddji hoavda áigu hilgut geavaheames dáid ommaniid, go dain lea váralaš gavja. Hámmárfeasta buollineastadan ossodaga jođiheaddji, Arild Johansen, oaivvilda ahte Finnmárku ii dárbbaš heaitit geavaheamis dáid ommaniid, go Davvi-norgalaččat leat čeahpibut dolastit go Lulli-norgalaččat.