Geatkelohku galgá unniduvvot

Romssa ja Finnmárkku boraspirelávdegoddi deaivvadii ikte Birasdirektoráhtain, digaštallan dihtii mot nagodit geahpedit geatkelogu dán guovtti fylkkas.

Jerv
Foto: BBC
John Karlsen

Romssa ja Finnmárkku boraspirelávdegotti jođiheaddji John Karlsen.

Foto: Lars Egil Mogård / NRK

Dál leage geatkkelohkku duppal geardde eanet go dat maid Stuoradiggi lea mearridan. Direktoráhtta lea ovttaoaivilis ahte juoga ferte dál dahkkot, vai nagodit bivdoáigodagas olahit Stuorradikke logu.

– Boraspirelohku lea beare stuoris

Romssa ja Finnmárkku boraspirelávdegotti jođiheaddji John Karlsen, dadjá ahte Finnmárkkus ja Romssas lea boraspirelohku beare stuoris. Ja dát čuohcá hirbmat garrasit earret eará sávza- ja boazodollui.

Ikte čoahkkinasttii lávdegoddi Birasdirektoráhtain, ja sii šadde ovttaoaivilii ahte sii áigot geahččalit jávkadit 48 geatkki, 20 Romssas ja 28 Finnmárkkus.

Per Mathis Oskal

Boazodoalli ja Boraspirelávdegotti lahttu Per Mathis Oskal.

Foto: Privat

Boazodoalli ja Boraspirelávdegotti lahttu Per Mathis Oskal dadjá ahte fertejit eará doaimmat maiddái bidjot johtui.

– Eai nagot bivdit mearriduvvon bivdoeari

Geatkebivdu bistá čakčamánu 10. beaivvi rájes gitta guovvamánu 15. beaivái. Karlsen dadjá maiddái ahte lea čájehuvvon ahte olbmot eai nagot bivdit mearriduvvon bivdoeari juohke jagi.

Dál áigot olbmuid oažžugoahtit bivdit getkkiid lohpeáigge, vai eai dárbbaš bođu áigge jávkadišgoahtit getkkiid.