NRK Meny
Normal

Gealdagasas vuorddaša válgabohtosiid

– Gal dat juo leamaš guhki otna beaivi, lean čorgen, málestan ja geassebiktasiid rádjan. Lea ge Finnmárkku Guovddášbellodaga nubbi evttohas stuorradiggeválgii, Nancy Porsanger Anti, gii lea nu gealdagasas ahte ii nagat bargat áktánasat otne.

Nancy Porsanger Anti

Otná beaivvi lohká Nancy Porsanger Anti leat leamaš guhki. Son lea gal viggan golladit beaivvi čorgemiin, muhto jurdagat gal leat jorran dušše válggas. Soaitá beassá Stuorradiggái lahttun dahje várrelahttun.

Foto: Privat

– Šattašin vuosttaš stuorradiggeáirras gii lea boazodoalli jos beasašin Stuorradiggai.

Nancy Porsanger Anti šattašii vuosttaš boazosápmelaš gii livččii leat stuorradiggeáirrasin jos Guovddášbellodat dagašii buori válgga Finnmárkkus.

Les saken på norsk her: Kan bli første reindriftsame i Stortinget

Vuolggášii buriin movttain Stuorradiggái

Iežas muitala leat gearggus vuolgit Osloi jos beassá stuorradiggái. Boazodoalu dat gal bearaš kohkkešii, ja isit áittardivčče sutno golbma máná.

– Lean gullan ahte lea vejolaš johtit ruovttu ja Stuorradikki gaska vahkkosaččat, de ii son livččii nu guhká eret mánáin ja bearrašis háválassii. Son lea gearggus heivehit dilis jos válljejuvvo stuorradiggái.