Korte nyheter

  • Evttohassan Lindgren bálkkašupmái

    Muitaleaddji Ánte Mihkkal Gaup lea evttohassan dán jagi Astrid Lindgren bálkkašupmái muitaleaddji dáidagis geažil, čállá oddasat.se Son lea earret eará dovddus Juffá muitalusain ja sámi nástegovaid čájálmasain. Oktiibuot 282 olbmo miehtá máilmmi leat evttohassan. Bálkkašumi árvu lea miljon Ruoŧa ruvnnu.

    Ánte Mihkkal Gaup
    Foto: Bengt Roger Kåven / NRK
  • Sámi allaskuvla ovttasbargá

    Dál nannejit sámi alit oahpahusa ja dutkama, erenoamážit julev- ja máttasámegielaide, kultuvrraide ja servodateallima. Dát dáhku Nuortta universitehta ja Sámi allaskuvlla ovttasbarggu olis. Gaskavahkku vuolláičáliiga Sámi allaskuvlla rektor Laila Susanne Vars ja Nuortta universitehta rektor Hanne Solheim Hansen ovttasbargošiehtadusa dán olis.

    Rektor Hanne Solheim Hansen ja rektor Laila Susanne Vars.
    Foto: Mai-Lis Eira / Sámi allaskuvla
  • Sámi artista eŋgelasgillii

    Sámi artista DJ iDJa almmuha vuosttaš geardde lávlaga eŋgelasgillii. «Dim The Light» muitala olbmo siskkáldas gillámušas go ovttaseallin ii šat doaimma. – Jáhkán ollugat dovdet iežaset dán lávlagis, čilge DJ Idja, dahje Markus J. Thonhaugen.

    Nye låten til DJ Idja, "Dim The Light".
    Foto: DJ Idja / Pressebilde