NRK Meny

Geahpeda dálkkádatgássaid luoitima

Ráđđehus evttoha geahpedit Norgga dálkkádatgássaid luoitima jagi 2030 rádjai 40 proseanttain dan dási ektui mii lei 1990:s. Dát lea seamma juksanmearri go Eurohpá Uniovdna lea mearridan alcces.

-Go mii ovttastuvvat lagabuidda EU:i, de veahkehit dahkat viiddis riikkaidgaskasaš ovttasbarggu dálkkádaga buorideami hárrái, dadjá dálkkádat- ja birasministtar Tine Sundtoft.

Ráđđehus buvttii ovdan iežas dálkkádatjuksanmeriid preassakonfereanssas otná iđida, ja áigu šiehtadallat EU:in eanadoalu, johtalusa ja doabbarid luitosiid hárrái.